कोस्टारिकाको एउटा चिडियाखानामा संसर्ग नै नगरि गोही आफैँ गर्भवती भएको पुष्टि

जेठ २५, २०८० बिहीबार ११:४८:२५ | एजेन्सी

कोस्टारिकाको एउटा चिडियाखानामा भाले गोहीसँग संसर्ग नै नगरि एउटा पोथी गोही आफैँ गर्भवती भएको पत्ता लागेको छ । यसअघि गोहीमा त्यस्तो अवस्था हुने गर्छ भन्ने तथ्य बाहिर आएको थिएन ।

कोस्टारिकाको ‘पार्क रेप्टिलानिया’ मा पालिएको एउटा १८ वर्षे पोथी गोहीले सन् २०१८ को जनवरीमा पारेको अण्डामा यो घटना पुष्टि भएको हो । गर्भवती अवस्थामा गोहीको अण्डाभित्र विकसित भ्रूणमा ९९ दशमलव ९ प्रतिशत अनुवांशिक समानता छ ।

अण्डामा भ्रूण पूर्ण रूपमा विकसित भएको थियो तर कोरलिन नपाइ त्यो मरेको थियो । पोथी गोहीलाई दुई वर्षको उमेरदेखि चिडियाखानामा एक्लै राखिएको थियो । ‘भर्जिन बर्थ’ अर्थात् कुमारी आमाबाट हुने जन्म भनिने त्यस्तो प्रक्रिया चराचुरुङ्गी, माछा र अन्य सरीसृप (घस्रिने जीव) मा देखिन्छ । तर गोहीमा पहिलो पटक पत्ता लागेको हो ।

क्रमविकासका क्रममा कुनै पुर्खाबाट त्यस्तो क्षमता गोहीमा पनि विकसित भएको हुनसक्ने वैज्ञानिक आकलन रहेको बीबीसीले उल्लेख गरेको छ । रोयल सोसाइटीको वैज्ञानिक जर्नल ‘बायोलाेजी लेटर्स’ मा यसबारे एउटा शोधपत्र प्रकाशित भएको छ ।

गोहीले अण्डा पारेपछि चिडियाखानामा कार्यरत वैज्ञानिकको टोलीले अमेरिकाको भर्जिनिया टेक विश्वविद्यालयमा कार्यरत डा. वारन बुथलाई जानकारी गराएका थिए । उहाँले विगत ११ वर्षदेखि पशुपक्षीमा भाले र पोथीको संसर्गविना नै हुने प्रजननबारे अनुसन्धान गर्दै आउनुभएको छ ।

डा. बुथले गोहीको सूक्ष्म विश्लेषण गरेपछि भालेको संसर्ग नभएको पुष्टि गरेको खबरमा उल्लेख छ । आफ्नो प्रजातिको सङ्ख्या घटेको र मासिन सक्ने जोखिम भएको अवस्थामा पार्थनोजनेसिस गर्न सक्षम जीवले संसर्गविना नै सन्तान जन्माउन सक्छन् भन्ने एउटा मान्यता छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कोस्टारिकाको एउटा चिडियाखानामा संसर्ग नै नगरि गोही आफैँ गर्भवती भएको पुष्टि

तस्बिर : बीबीसी

तपाईको प्रतिक्रिया