एम्बुलेन्सको ठक्करबाट बालक गम्भीर घाइते

कात्तिक २७, २०७५ मंगलबार १५:४०:३४ | विमल बिष्ट

डोटी – डोटीको दिपायल–सिलगढी नगरपालिका–४,पिपल्लामा एम्बुलेन्सको ठक्करबाट एक बालक गम्भीर घाइते भएका छन् ।

इलाका प्रहरी कार्यालय दिपायलले दिएको जानकारी अनुसार पिपल्लामा रहेको शैलेस्वरी अस्पतालको से १ च १९७८ नम्बरको एम्बुलेन्सले ठक्कर दिँदा त्यसै अस्पतालका निर्देशक आइजंग कुँवरका ८ वर्षीय छोरा इशान कुँवर गम्भिर घाइते भएका हुन् ।

एम्बुलेन्सको ठक्करबाट घाइते भएका कुँवरको शैलेस्वरी अस्पतालमा उपचार हुन नसक्दा कैलाली तर्फ रिफर गरिएको छ ।

एम्बुलेन्स ब्याक गर्ने क्रममा ती बालकलाई ठक्कर दिएको प्रत्यक्षदर्शीहरु बताउँछन् ।

एम्बुलेन्सको ठक्करबाट बालकको टाउकोमा गम्भीर चोट लागेको छ । ठक्कर दिने एम्बुलेन्स तथा चालकलाई इलाका प्रहरी कार्यालय दिपायलले नियन्त्रणमा लिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्