श्रीलङ्काको इतिहासमा पहिलो पटक राष्ट्रपतीय चुनावमा दोस्रो चरणको मतगणना चल्दै

असोज ६, २०८१ आइतबार १७:२९:३२ | एजेन्सी

श्रीलङकामा भएको राष्ट्रपतीय चुनावमा कुनै पनि उम्मेदवारले ५० प्रतिशत मत कटाउन नसकेपछि दोस्रो चरणको मतगणना भइरहेको छ । श्रीलङ्काको इतिहासमा पहिलो पटक राष्ट्रपतीय चुनावमा दोस्रो चरणको मतगणना भइरहेको हो । अहिलेसम्म कुनै पनि उम्मेदवारले जीतका लागि आवश्यक ५० प्रतिशतभन्दा धेरै मत प्राप्त गरेका छैनन् ।

श्रीलङ्काको निर्वाचन आयोगले अब मतदाताको दोस्रो र तेस्रो छनौटमा मतगणना गर्नेछ । चुनावमा नागरिकलाई आफ्नो प्राथमिकताअनुसार तीन जना उम्मेदवार छनौट गर्न आग्रह गरिएको थियो । निर्वाचन आयोगले एक पत्रकार सम्मेलनमा गरेर अब अनुराकुमार दिसानायके र साजिथ प्रेमदासाबाहेक अरु सबै उम्मेदवारहरू दौडबाट बाहिरिएको बताएको छ ।

वामपन्थी नेसनल पिपुल्स पावर गठबन्धनका उम्मेदवार अनुरा कुमारा दिसानायकेले शुरुदेखि अग्रता लिइरहनुभएको छ । धेरै सञ्चारमाध्यम र एक्जिट पोलले दिसानायकेले नै यो चुनाव जित्ने अनुमान गरेका छन् ।

वर्तमान राष्ट्रपति रनिल विक्रमासिङ्घे यसपटक पनि पराजित हुुनुभएको छ । विक्रमासिङ्घे यसअघि दुई पटक राष्ट्रपतिमा पराजित भइसक्नुभएको छ । आर्थिक सङ्कटका कारण देशव्यापी प्रदर्शनपछि तत्कालीन राष्ट्रपति गोटाबाया राजापाक्षले देश छाडेर भागेपछि विक्रमासिङ्घ संसद्बाट कार्यवाहक राष्ट्रपति बन्नुभएको हो ।

अन्तिम अपडेट: असोज ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रीलङ्काको इतिहासमा पहिलो पटक राष्ट्रपतीय चुनावमा दोस्रो चरणको मतगणना चल्दै

तस्बिर : एजेन्सी

तपाईको प्रतिक्रिया