वैज्ञानिकहरूले विश्वको सबैभन्दा सानो पेसमेकर बनाए

चैत २१, २०८१ बिहीबार १२:४२:३ | एजेन्सी

वैज्ञानिकहरूले चामलको दानाभन्दा पनि सानो आकारको पेसमेकर अर्थात् मुटुको धड्कन नियन्त्रक बनाएका छन् ।

यसलाई घुलनशील गर्नुअघि प्रकाशले इन्जेक्ट र नियन्त्रण गर्न सकिने उनीहरूले बताएका अन्तर्राष्ट्रिय समाचार संस्था एएफपीले जनाएको छ । विश्वकाे सबैभन्दा सानाे पेसमेकर मानिसमा परीक्षण हुन अझै समय लाग्ने वैज्ञानिकहरूको भनाइ छ ।

अमेरिकाको नर्थवेस्टर्न युनिभर्सिटीका वरिष्ठ अध्ययन लेखक जोन रोजर्सले पेसमेकर दुईदेखि तीन वर्षमा मानिसमा परीक्षण गर्न सकिने अनुमान गरिएको बताउनुभयो । तर चिकित्सकीय क्षेत्रमा वायरलेस पेसमेकरको आविस्कार रूपान्तरणकारी प्रगतिका रूपमा लिन सकिने उहाँको दाबी छ ।

विश्वभर लाखौं मानिसमा स्थायी पेसमेकर छन् तर सबैले विद्युतीय आवेगमार्फत मुटुको धड्कन सामान्य भएको सुनिश्चित गर्ने काम गर्छन् ।

आवश्यक नपरेको बेला फेरि शल्यक्रियामार्फत तारसहित तिनलाई निकाल्नुपर्ने बाध्यता हुन्छ । तर नयाँ बनेको पेसमेकरले वयस्कहरूलाई मुटुको शल्यक्रियाबाट निको भएपछि सामान्य मुटुको धड्कन पुनर्स्थापित गर्न पनि मद्दत गर्न सक्छ ।

यस्तै जन्मजात मुटुसम्बन्धी समस्या भएका बच्चाहरूलाई पनि नयाँ अस्थायी पेसमेकर सहयोगी भएको अमेरिकी नेतृत्वको अनुसन्धानकर्ताहरूले बताएका छन् ।

भर्खरै विकसित पेसमेकर वायरलेस छ र आवश्यक नभएको बेलामा शरीरमा नै घुलनशील हुने गरी डिजाइन गरिएको छ । यसबाट बिरामीहरूलाई घरिघरि शल्यक्रिया गर्नुपर्ने अवस्थाबाट बचाउँछ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैज्ञानिकहरूले विश्वको सबैभन्दा सानो पेसमेकर बनाए

तस्बिर : एजेन्सी

तपाईको प्रतिक्रिया