अमेरिकाले फिलिपिन्सलाई २० वटा एफ–१६ लडाकू विमान बिक्री गर्ने

चैत २०, २०८१ बुधबार १८:२९:३८ | एजेन्सी

अमेरिकाले फिलिपिन्सलाई २० वटा एफ–१६ लडाकू विमान बिक्रीलाई अनुमोदन गरेको छ । अमेरिकी विदेश मन्त्रालयले ५ अर्ब ५८ करोड अमेरिकी डलर बराबरको लडाकू विमान फिलिपिन्सलाई बिक्री गर्न लागेको बताएको एएफपीले जनाएको छ ।

यी लडाकू विमान बिक्रीले दक्षिणपूर्वी एशियामा राजनीतिक स्थिरता, शान्ति र आर्थिक प्रगतिका लागि महत्त्वपूर्ण शक्तिका रूपमा रहेको रणनीतिक साझेदारको सुरक्षामा सुधार ल्याउने मन्त्रालयले निकालेको विज्ञप्तिमा उल्लेख छ ।

दक्षिण चीन सागरमा फिलिपिन्स र चीनबीच महिनौंदेखि चलिरहेको टकरावपछि यो समाचार सार्वजनिक भएको हो । यसले चीन र फिलिपिन्सबीचको टकराब अझ बढ्ने देखिएको छ । चीनले फिलिपिन्सले क्षेत्रीय शान्तिलाई ‘चुनौती’ दिइरहेको भन्दै उसलाई लडाकू विमान खरिद नगर्न चेतावनी दिएको थियो ।

चिनियाँ विदेश मन्त्रालयका प्रवक्ता गुओ जियाकुनले फिलिपिन्सको अन्य देशसँगको रक्षा र सुरक्षा सहकार्यले कुनै पनि तेस्रो पक्षको हितलाई हानि पुर्‍याउन नहुने बताउनुभएको छ ।

फिलिपिन्स र अमेरिकाले सन् २०२२ मा राष्ट्रपति फर्डिनान्ड मार्काेसले कार्यभार सम्हालेपछि र दक्षिण चीन सागरमा चीनको व्यापक दाबीलाई पछाडि धकेल्न थालेपछि आफ्नो रक्षा सहयोगलाई अझ प्रगाढ बनाएका छन् ।

गएको डिसेम्बरमा फिलिपिन्सले आफ्नो सामुद्रिक हितलाई सुरक्षित राख्न अमेरिकाको मध्यम दूरीको टाइफन क्षेप्यास्त्र प्रणाली अधिग्रहण गर्ने योजना बनाएको बताएपछि चीन आक्रोशित बनेको थियो । चीनले यस्तो खरिदले क्षेत्रीय ‘हतियारको होडबाजी’ निम्त्याउन सक्ने चेतावनी दिएको छ ।

मङ्गलवार चिनियाँ जहाज र लडाकू विमानले ताइवानलाई सिमुलेटेड नाकाबन्दीमा घेरिरहेका बेला फिलिपिन्सका सैन्य प्रमुख जनरल रोमियो ब्राओनरले स्वशासित टापुमा आक्रमण गरिएमा आफ्नो देश ‘अनिवार्य रूपमा’ संलग्न हुने बताउनुभएको थियो ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाले फिलिपिन्सलाई २० वटा एफ–१६ लडाकू विमान बिक्री गर्ने

फाइल तस्वीर, एजेन्सी

तपाईको प्रतिक्रिया