आप्रवासी फर्काउने योजना कार्यान्वयन गर्छु : अमेरिकी राष्ट्रपतिमा निर्वाचित ट्रम्प

रुसी राष्ट्रपति पुटिनसँग कुरा गर्ने सङ्केत

कात्तिक २३, २०८१ शुक्रबार १८:१७:१२ | एजेन्सी

अमेरिकामा भर्खरै सम्पन्न चुनावबाट राष्ट्रपतिमा निर्वाचित डोनाल्ड ट्रम्पले ठूलो सङ्ख्यामा आप्रवासी अमेरिकाबाट फिर्ता पठाउने योजनाकाे कार्यान्वयन प्रथामिकतामा रहने बताउनुभएको छ । सन् २०२४ को अमेरिकी राष्ट्रपति चुनावपछि दिएको पहिलो अन्तर्वार्तामा ट्रम्पले जुनसुकै मूल्य चुक्ता गर्नुपरे पनि ठूलो मात्रामा निर्वासनको योजना अगाडि बढाउने बताउनुभएको हो ।

एनबीसी न्यूजलाई दिएको अन्तर्वार्तामा उहाँले सीमा बलियो र शक्तिशाली बनाउँदै आप्रवासी फर्काउन पहिलो प्राथमिकता दिने बताउनुभएको हो । चुनावपछि उपराष्ट्रपति कमला ह्यारिस र राष्ट्रपति जो बाइडेनसँग भएका टेलिफोन संवादहरू दुईतर्फी रूपमै सम्मानजनक भएको उहाँले बताउनुभयो ।

यस्तै ट्रम्पले रुसी राष्ट्रपति भ्लादिमिर पुटिनसँग वार्ता गर्ने सङ्केत पनि गर्नुभएको छ । अहिलेसम्म विश्वका झन्डै ७० जना नेतासँग कुराकानी गरिसकेको उल्लेख गर्दै उहाँले पुटिनसँग पनि वार्ताको सम्भावना रहेको बताउनुभएको हो । ट्रम्पले इजरायली प्रधानमन्त्री बेन्यामिन नेतान्याहुसँग राम्रो संवाद भएको बताउनुभयो ।

यसैबीच रुसी राष्ट्रपति भ्लादिमिर पुटिनले पनि ट्रम्पलाई बधाई दिनुभएको छ । अमेरिकी राष्ट्रपतिमा ट्रम्प निर्वाचित भएसँगै कतिपयले युक्रेन–रुस युद्ध रोकिन सक्ने बताएका छन् । चुनावी प्रचारप्रसारका क्रममा ट्रम्प आफैँले पनि आफू राष्ट्रपति भए एकदिनमै युद्ध रोक्ने दाबी गर्नुभएको थियो ।

ट्रम्पले आउँदो जनवरी २० तारिखमा दोस्रो कार्यकालका रूपमा अमेरिकी राष्ट्रपतिको जिम्मेवारी सम्हाल्नुहुने छ ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आप्रवासी फर्काउने योजना कार्यान्वयन गर्छु : अमेरिकी राष्ट्रपतिमा निर्वाचित ट्रम्प

रुसी राष्ट्रपति पुटिनसँग कुरा गर्ने सङ्केत

गेटी इमेजेज

तपाईको प्रतिक्रिया