नेदरल्यान्ड्सको राजधानीमा इजरायली फुटबल समर्थकमाथि आक्रमण

कात्तिक २३, २०८१ शुक्रबार १८:२०:१० | एजेन्सी

नेदरल्यान्ड्सको राजधानी एम्स्टर्डममा इजरायली फुटबल समर्थकमाथि आक्रमण भएको छ । इजरायली फुटबल समर्थकमाथि भएको शृङ्खलाबद्ध आक्रमण रोक्न प्रहरीले पटक पटक हस्तक्षेप गर्नुपरेको त्यहाँका अधिकारीहरूलाई उद्धृत गर्दै बीबीसीले जनाएको छ ।

यो घटनालाई लिएर नेदरल्यान्ड्सका प्रधानमन्त्री डिक शूफले निन्दा गर्नुभएको छ भने इजरायली सेनाले इजरायलीहरूविरुद्ध गम्भीर र हिंसात्मक घटना भएको बताएको छ । प्रहरीको बाक्लो सङ्ख्यामा उपस्थितिको बाबजुद राजधानीको धेरै भागमा इजरायली प्रशंसकहरू घाइते भएका खबरमा उल्लेख छ ।

इजरायली क्लब मक्काबी तेल अभिभका समर्थक युरोपा लिगमा अजाक्ससँगको खेल हेर्न एम्स्टर्डम गएका थिए । एम्स्टर्डम प्रहरीले हिंसात्मक घटनाको अनुसन्धान शुरू गरेको र ६२ जनालाई पक्राउ गरेको बताएको छ । यस्तै पाँच जनालाई उपचारका लागि अस्पताल लगिएको छ ।

नेदरल्यान्ड्सका प्रधानमन्त्री शूफले यो घटनाबारे इजरायलका प्रधानमन्त्री नेतान्याहुसँग कुरा गरेको र घटनाका दोषीहरूमाथि कारबाही गरिनेमा जोड दिनुभएको खबरमा उल्लेख छ । इजरायलले आफ्ना समर्थकहरूको उद्धारका लागि विमान पठाएको छ ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेदरल्यान्ड्सको राजधानीमा इजरायली फुटबल समर्थकमाथि आक्रमण

तस्वीर : सामाजिक सञ्जाल

तपाईको प्रतिक्रिया