प्रधानमन्त्री कप क्रिकेटमा आर्मी, एपीएफ र सुदूरपश्चिम विजयी

चैत १०, २०८१ आइतबार १८:३५:३६ | उज्यालो सहकर्मी

काठमाण्डाै – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा आज भएका खेलमा त्रिभुवन आर्मी क्लब, सशस्त्र प्रहरी बलको एपीएफ क्लब र सुदूरपश्चिम प्रदेश विजयी भएका छन् ।

रुपन्देहीको सिद्धार्थ रङ्गशालामा भएको खेलमा आर्मीले लुम्बिनी प्रदेशलाई १ सय ३१ रनले हरायो । आर्मीले दिएको २ सय ४४ रनको लक्ष्य पछ्याएको लुम्बिनी २७ ओभर १ बलमा १ सय १२ रनमा अलआउट भयो । लुम्बिनीका कप्तान देव खनालले सबैभन्दा धेरै ३७ रन बनाए । आर्मीका शाहब आलमले ४ विकेट लिए ।

यसअघि टस जितेर ब्याटिङ गरेको आर्मीले ४९ ओभर २ बलमा २ सय ४३ रन बनाउँदा सबै विकेट गुमायो । आर्मीका बसिर अहमदले ८६ रन बनाए । लुम्बिनीका अजय चौहानले ४ विकेट लिए । प्रतियोगितामा आर्मीको यो आठ खेलमा सातौं जीत हो भने लुम्बिनीका आठ खेलमा चौथो हार हो ।

यस्तै रुपन्देहीको एक्स्ट्राटेक ओभल मैदानमा भएको खेलमा एपीएफले गण्डकी प्रदेशलाई ३१ रनले हरायो । एपीएफले दिएको २ सय ५९ रनको लक्ष्य पछ्याएको गण्डकीले ५० ओभरमा ८ विकेट गुमाएर २ सय २७ रनमात्रै बनाउन सक्यो । गण्डकीका अर्जुन कुमालले सबैभन्दा धेरै ३९ रन बनाए । एपीएफका अभिषेक गौतमले ३ विकेट लिए ।

यसअघि टस हारेर ब्याटिङको निम्तो पाएको एपीएफले ४९ ओभर २ बलमा २ सय ५८ रन बनाउँदा सबै विकेट गुमायो । एपीएफका आरिफ शेखले ८० रन बनाए । गण्डकीका सन्दीप पराजुली र सुदीप अर्यालले ३/३ विकेट लिए । प्रतियोगितामा एपीएफको सात खेलमा पाँचौं जीत हो भने गण्डकीको आठ खेलमा सातौं हार हो ।

यस्तै दाङको देउखुरी रङ्गशालामा भएको खेलमा सुदूरपश्चिमले कोशी प्रदेशलाई ३१ रनले हरायो । सुदूरपश्चिमले दिएको २ सय ४३ रनको लक्ष्य पछ्याएको कोशी ४५ ओभर १ बलमा २ सय ११ रनमा अलआउट भयो । कोशीका शकिब हकले सबैभन्दा धेरै ६२ रन बनाए । सुदूरपश्चिमका सौर्य श्रेष्ठले ३ विकेट लिए ।

यसअघि टस जितेर ब्याटिङको गरेको सुदूरपश्चिमले किरण ठगुन्नाको कीर्तिमानी शतकमा २ सय ४२ रन बनायो । कोशीका ज्ञानेन्द्र श्रेष्ठले ४ विकेट लिए । प्रतियोगितामा सुदूरपश्चिमको यो आठ खेलमा तेस्रो जीत हो भने कोशीको आठ खेलमा सातौं हार हो ।

अन्तिम अपडेट: चैत १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री कप क्रिकेटमा आर्मी, एपीएफ र सुदूरपश्चिम विजयी

तस्वीर : क्यान

तपाईको प्रतिक्रिया