वैशाख २ गतेदेखि अनलाइन व्यापारका लागि व्यवसाय दर्तासँगै आफ्नै ‘प्लेटफर्म’ पनि आवश्यक

चैत २३, २०८१ शनिबार १५:५:४९ | उज्यालो सहकर्मी

काठमाण्डौ – आउँदो वैशाख २ गतेदेखि नेपालमा अनलाइन व्यापार गर्नेहरुले व्यवसाय दर्तासँगै आफ्नै ‘प्लेटफर्म’पनि बनाउनुपर्नेछ । अनलाइन व्यापार नियमनसम्बन्धि कानून वैैशाख २ गतेदेखि लागू हुने भएकोले नियमानुसार अनलाइन व्यापारका लागि ‘प्लेटफर्म’ आवश्यक पर्ने भएको हो ।

त्यस्ता ‘प्लेटफर्म’मा वेबसाइट, एप्लिकेशन वा अन्य कुनै प्रकारका अनलाइन प्रणाली पर्छन् । सामाजिक सञ्जालमार्फत् हुने व्यापारलाई कसरी नियमन गर्ने भन्नेबारे भने नियमावली बनेपछि मात्र स्पष्ट हुनेछ । आफ्नो प्ल्याट्फर्म बनाएका व्यवसायीले वाणिज्य, आपूर्ति तथा उपभोक्ता संरक्षण विभागले बनाउने विद्युतीय व्यापार पोर्टलमा पनि सूचीकरण हुनुपर्ने छ ।

कानून लागू भएपछि अहिलेजस्तो विनादर्ता अनलाइन व्यापार चलाउन सम्भव हुँदैन । तर लघुउद्यमी वा घरेलु उद्यमीले अन्य विद्युतीय ‘प्लेटफर्म’ प्रयोग गरी विद्युतीय व्यापार गर्न पाउनेछन् । बिक्रेताले आफ्नो वस्तु तथा सेवा बिक्रीका लागि क्रेतासँग विद्युतीय वा लिखित करार गरेपछि त्यही अनुसार आपूर्ति गर्नुपर्ने व्यवस्था ऐनमा छ ।

यदी समयमा ढुवानी गर्न नसकेको वा प्रतिबद्धताअनुरूप सामान नपठाएमा वा त्रुटिपूर्ण सामान पठाएमा उपभोक्ताले त्यसलाई फिर्ता गर्न पाउने छन् । संसदका दुवै सदनबाट पारित भइ राष्ट्रिपततिबाट चैत ३ गते प्रमाणित भएको विधेयक वैशाख २ गतेदेखि नयाँ कानूनको रूपमा कार्यान्वयन हुने भएको हो । नेपालमा निकै फस्टाइसकेको अनलाइन व्यापारका नाममा ठगीका घटना समेत बढेपछि त्यसलाई नियमन गर्न सरकारले कानून बनाएको हो ।

अन्तिम अपडेट: चैत २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैशाख २ गतेदेखि अनलाइन व्यापारका लागि व्यवसाय दर्तासँगै आफ्नै ‘प्लेटफर्म’ पनि आवश्यक

प्रतीकात्मक तस्बिर

तपाईको प्रतिक्रिया