गाडी हिलोमा फसेपछि दाउन्नेमा सडक अवरुद्ध, यात्रु अलपत्र

चैत २९, २०८१ शुक्रबार १०:३२:१५ | उज्यालो सहकर्मी

काठमाण्डौ – नारायणगढ–बुटवल सडक खण्डअन्तर्गत नवलपरासीको दाउन्नेमा हिजो बेलुकीदेखि सडक अवरुद्ध हुँदा यात्रु अलपत्र परेका छन् ।

पानी परेर हिलो भएको सडकमा गाडी फसेपछि अवरुद्ध भएको इलाका प्रहरी कार्यालय दुम्कीबासले जनाएको छ ।

प्रहरीका अनुसार अनुसार दाउन्नेको विश्वकर्मा मन्दिर नजिक हिलोमा फसेका गाडी निकाल्न नसक्दा राजमार्ग अवरुद्ध भएको छ ।

हिलोमा फसेका गाडी निकाल्न सडकमा ग्राभेल र बालुवा राख्ने काम भइरहेको प्रहरीले जनाएको छ । अहिले पानी पर्न रोकिएर घाम लाग्न थालेकाले केहीबेरमा गाडी सञ्चालन गर्न सकिने प्रहरीको भनाइ छ ।

यो सडक खण्डमा बिहान ११ बजेदेखि दिउँसो ३ बजेसम्म गाडी रोकेर मर्मतको काम भइरहेको छ । त्यसैले हिलोमा फसेका गाडी निकाल्न सकियो भने पनि यस अवधिमा गाडी सञ्चालन गर्ने कि नगर्ने भन्नेबारे निर्णय भइसकेको छैन ।

यात्रुहरु हिजो बेलुकीदेखि भोकभोकै बस्न बाध्य भएकाले आजको लागि हिजो अस्तिजस्तो सडक बन्द नगर्ने विषयमा छलफल भइरहेको दुम्किबास प्रहरीले जनाएको छ ।

राजमार्ग निर्माणको जिम्मेवारी पाएको चिनियाँ ठेकेदार कम्पनी चाइना स्टेट इन्जिनियरिङ कर्पाेरेसनले राजमार्गमा ग्राभेल नहालेका कारण दाउन्ने–बर्दघाट खण्डको १४ किलोमिटर खण्डमा यात्रुले सधैँ सास्ती खेप्नु परेको छ ।

सडक विस्तार गर्न भनेर पिच भत्काएको ४ वर्षसम्म दाउन्नेमा ग्राभेल नगरेका कारण घाम लाग्दा धुलो र पानी पर्दा हिलोले समस्या हुने गरेको छ ।

अन्तिम अपडेट: बैशाख ५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गाडी हिलोमा फसेपछि दाउन्नेमा सडक अवरुद्ध, यात्रु अलपत्र

तस्बिर : सामाजिक सञ्जाल

तपाईको प्रतिक्रिया