मुख्य प्रशिक्षक स्टुअर्टले शुरु गरे राष्ट्रिय क्रिकेट टोलीको प्रशिक्षण

वैशाख १३, २०८२ शनिबार १४:१९:५५ | उज्यालो सहकर्मी

काठमाण्डौ – नेपाली राष्ट्रिय क्रिकेट टोलीका मुख्य प्रशिक्षक स्टुअर्ट लले राष्ट्रिय टोलीलाई प्रशिक्षण दिन शुरु गरेका छन् । गएराति नेपाल आइपुगेका अस्ट्रेलियन प्रशिक्षक स्टुअर्ट लले मुलपानीमा रहेको तल्लो क्रिकेट मैदानमा राष्ट्रिय टोलीलाई प्रशिक्षण शुरु गरेका हुन् । यो प्रशिक्षणबाट आईसीसी टी–२० विश्वकप छनोट र आईसीसी विश्वकप लिग २ का लागि अन्तिम टोली तयार हुनेछ ।

त्यसअघि बिहान भएको पत्रकार सम्मेलनमा प्रशिक्षक स्टुअर्टले नेपाली टोलीको प्रशिक्षण जिम्मेवारी पाउँदा उत्साहित रहेको बताउँदै उनले आफ्ना लागि नयाँ चुनौती भएको उल्लेख गरे । एसोसीएट राष्ट्र नेपालको प्रशिक्षकका लागि आवेदन दिनुपछाडिको कारण पनि युवा खेलाडीको प्रतिभा नै भएको उनले उल्लेख गरे ।

आफूले हार्न नजानेको बताउँँदै नेपालको मुख्य लक्ष्य भनेको फेरि पनि एकपटक नेपाललाई विश्वकपमा पुर्‍याउनु रहेको प्रतिबद्धता जनाए । उनले नेपालमा धेरै प्रतिभा, चाहना र जाेश भएका खेलाडीहरू देखेको र यहाँको समर्थकहरूमा देखेको क्रिकेटप्रतिको लगावले पनि आफू प्रभावित भएको उल्लेख गरे ।

क्यानले स्टुअर्टलाई गएको चैत १५ मा नेपाली टोलीको मुख्य प्रशिक्षकमा नियुक्त गरेको थियो । ५६ वर्षका स्टुअर्ट ल अबको दुई वर्ष नेपाली टोलीसँग रहने छन् । गएको जनवरीमा मोन्टी देशाईसँगको सम्झौता सकिएको थियो । अस्ट्रेलियाका स्टुअर्ट लले यसअघि श्रीलङ्का, बङ्गलादेश, वेष्ट इन्डिज, अफगानिस्तान र अमेरिकाको मुख्य प्रशिक्षक भएर काम गरिसकेका छन् ।

अन्तिम अपडेट: बैशाख १३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्