युरोपा लिग : आर्सनल पराजित, चेल्सीको कठिन जित

फागुन ३, २०७५ शुक्रबार ७:१९:३१ | उज्यालो सहकर्मी

युरोपियन फुटबल प्रतियोगिता युरोपा लिगको प्रिक्वाटरफाइनलको पहिलो लेगमा आर्सनल पराजित हुँदा चेल्सीले दुई एकको जित निकालेको छ ।

शुक्रबार बिहान भएको खेलमा आर्सनल बाटे फुटबल क्लबसँग एक शून्यले पराजित भयो । बाटेको घरेलु मैदानमा भएको खेलमा स्तानिस्लोभ ड्रागुनको एकमात्र गोल निर्णायक बन्यो ।

निकै प्रतिस्पर्धात्मक बनेको खेलको पहिलो हाफको अन्तिममा ड्रागुनले गोल गर्दै बाटेलाई अग्रता दिलाएका थिए । त्यसपछि आर्सनलले तीन वटा उत्कृष्ट मौका पाएपनि गोल गर्न सकेन र पराजित भयो ।

एक गोलले पछि परेको आर्सनले उल्टो ८५ औं मिनेटमा १० खेलाडीमा झर्न पुग्यो । उसका फ्रान्सेली खेलाडी एलेजान्द्रे लाकाजेटी दोहोरो पहेलो कार्ड पाउदै मैदानबाट बाहिरिए । त्यसपछि आर्सनल खेलमा फर्कन सकेन र हार ब्यहोर्यो । अब दोस्रो लेगमा आर्सनल घरेलु मैदानमा खेल्नेछ ।

अर्को खेलमा चेल्सीले माल्मो फुटबल क्लबलाई दुई एकले हरायो । स्विडीस क्लब माल्मो विरुद्धको जितमा चेल्सीका लागि रोस बार्रक्ले र ओलिभर जिरुडले एक–एक गोल गरे ।

माल्मोको घरेलु मैदानमा भएको खेलमा चेल्सीले ३० औं मिनेटमा अग्रता बनायो । उसका लागि रोसले पेद्रोको पासमा गोल गर्न सफल भए ।

पहिलो हाफमा एक गोलले अगाडि रहेको चेल्सीले ५८ औं मिनेटमा अन्तर दुई शून्यमा पुर्‍यायो । उसका लागि जिरुडले विलियमको पासमा गोल गरे । घरेलु मैदानमा दुई गोलले पछि परेको माल्मोले ८० औं मिनेटमा गोल गर्दै अन्तर कम गरेको थियो । उसका एन्द्रेस क्रिस्टियनले रोजेनबर्गको पासमा गोल गरेका थिए ।

तर त्यसपछि माल्मो घरेलु दर्शकमाझ थप गोल फर्काउन सकेन र पराजित भयो । अब चेल्सीले दोस्रो लेग घरेलु मैदानमा खेल्नेछ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्