अनिल गुरुङकाे ह्याट्रिक, सिक्किम युनाइटेडलाई ५-२ ले हराउँदै थ्रीस्टार आहा रारा गोल्डकपको सेमिफाइनलमा

फागुन १३, २०७५ सोमबार १७:४५:४२ | उज्यालो सहकर्मी

कास्की - भारतको सिक्किम युनाइटेडलाई ५-२ गाेल अन्तरले हराउँदै थ्रीस्टार क्लब आहा रारा गोल्डकपको सेमिफाइनलमा प्रवेश गरेको छ ।

थ्रीस्टारको जितमा अनिल गुरुङले ह्याट्रिक गरे । उनले खेलको २६ औं र ८१ औं मिनेटमा पेनाल्टीमा गोल गरेका थिए भने ८५ औं मिनेटमा अजयी मार्टिन्सको पासलाई सदुपयोग गर्दै गोल गरेका थिए । ५० औं मिनेटमा सिक्किमका जिग्मी दोर्जे भुटियाको आत्मघाती गोल उपहार पाएको थ्रीस्टारको लागि ७१ औं मिनेटमा अजयी मार्टिन्सले अर्को गोल गरेको थियो ।

युनाइटेड सिक्किम फुटबल क्लब, भारतका लागि खेलको ८९ औं मिनेटमा सोनाम छिरिङ भुटियाले र थप गरिएको तेश्रो मिनेटमा छिरिङ्ग लोप्चाले पेनाल्टीमार्फत गोल गरेका थिए ।

ह्याट्रिक गरेका अनिल गुरुङ म्यान अफ् द म्याच भएका छन् । उनले ट्रफीसहित नगद ५ हजार प्राप्त गरे ।

मंगलबारको खेल नेपाल पुलिस क्लब र दाउफिन्स फेमिली टिम क्यामरुनबीच दिउँसो २.३० बजे पोखरा रंगशालामा हुनेछ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्