चेल्सीले टोटनह्यामलाई हरायो

फागुन १६, २०७५ बिहीबार १०:२८:४० | उज्यालो सहकर्मी

पछिल्लोपटक खेलाडी र प्रशिक्षक गतिविधि तथा म्यानचेस्टर सिटीसँग आधा दर्जन गोल खाएर आलोचना खेपिरहेको चेल्सीले प्रिमियर लिगमा टोटनह्यामसँग दुई शून्यको जित निकाल्दै राहत महसुस गरेको छ ।

घरेलु मैदान स्टाम्फोर्ड ब्रिजमा भएको खेलमा चेल्सीको जितमा पेद्रोले एक गोल गर्दा एक गोल उपहार पायो । कारबाओ कपको फाइनलमा प्रशिक्षक सारीले रिप्लेस गर्न खोज्दा अटेर गरेपछि आलोचना खेपेका गोलकिपर कीपालाई बेन्चमा राखेको चेल्सीलले पहिलो हाफ भने गोलरहित बराबरी खेलेको थियो ।

५७ औं मिनेटमा पेद्रोले गोल गर्दै घरेलु दर्शक माझा चेल्सीलाई एक शुन्यको अग्रता दिलाए । त्यसपछि ८४ औं मिनेटमा किरन ट्रिपेरले आत्मघाती गोल गरेपनि टोटनहम दुई शून्यले पछि पर्‍याे । त्यसपछि पाहुना टिम टोनहम खेलमा फर्कन सकेन र लिगमा आठौं हार ब्यहोर्‍याे ।

यस्तै अर्को खेलमा म्यानचेस्टर युनाइटेडले क्रिस्टल प्यालेसलाई तीन एकले हरायो । उसको जितमा रोमेलु लुकाकुले दुई गोल गरे । खेलको ३३ औं मिनेटमा लुकाकुको गोलमार्फत युनाइटेडले अग्रता बनायो ।

पहिलो हाफमा एक गोलको अग्रता बनाएको युनाइटेडका लागि ५२ औं मिनेटमा लुकाकुले नै दोस्रो गोल गरे । ६६ औं मिनेटमा क्रिस्टलका लागि वार्डले गोल गर्दै अन्तर कम गरेका थिए ।

तर ८३ औं मिनेटमा एस्ले योङले अर्को गोल थप्दै टिमलाई तीन एकको जित दिलाए । जितसँगै युनाइटेड ५५ अंकका साथ शीर्ष चारको होडमा उभिएको छ । चेल्सी भने ५३ अंकसहित छैटौँ स्थानमा छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्