बी डिभिजन लिग: दोस्रो चरणको पहिलो खेलमा श्री भगवती क्लब विजयी

फागुन १७, २०७५ शुक्रबार १९:३९:५८ | उज्यालो सहकर्मी

काठमाण्डाै - शहीद स्मारक बी डिभिजन लिग अन्तर्गत शुक्रबारदेखि शुरु भएको दोस्रो चरणको पहिलो खेलमा श्री भगवती क्लब विजयी भएको छ ।

प्रतिस्पर्धात्मक खेलमा श्री भगवतीले सातदोबाटो युवा क्लबलाई ४–३ ले पराजित गर्यो । श्री भगवतीको जितमा मोहनबहादुर थापामगरले ह्याट्रिक गरे ।

खेलको तेस्रो, २१औं र ३६औं मिनेटमा मोहनले गोल गर्दै श्री भगवती क्लबलाई पहिलो हाफमा तीन गोलको अग्रता दिलाएका थिए । दोस्रो हाफमा श्री भगवतीले चौथो गोल गर्ने राम्रो मौका पाएको थियो ।

तर बल बारमा लागेर बाहिर निस्कियो । ६३औं मिनेटमा दोर्जी तामाङले गोल गर्दै सातदोबाटोलाई खेलमा फर्काउने प्रयास गरे । ७१औं मिनेटमा पृथ्वी चौधरीले गोल गरेपछि सातदोबाटोले श्री भगवतीको अग्रता ३–२ मा छोट्याएको थियो ।

८६औं मिनेटमा आशबहादुर गुरुङले गोल गरेपछि श्री भगवतीले ४–२ को अग्रता लियो ।

८९औं मिनेटमा भुवन बस्नेतले सातदोबाटोका लागि गोल गरेपछि खेल ४–३ मा पुगेको थियो । बाँकी समयमा गोल हुन नसक्दा श्री भगवतीले जित निकाल्यो ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्