युरोपा लिगकाे प्रिक्वार्टरफाइनलमा आज चेल्सीले डाइनामो किभ र आर्सनलले रेनसँग प्रतिस्पर्धा गर्दै

फागुन २३, २०७५ बिहीबार १३:१२:१५ | उज्यालो सहकर्मी

यूईएफए युरोपा लिग प्रिक्वार्टरफाइनलको पहिलो लेगमा बिहीबार राति चेल्सीले डाइनामो किभ र आर्सनलले रेनसँग प्रतिस्पर्धा गर्दैछन् । घरेलु मैदानमा हुने पहिलो लेगको खेलका लागि चेल्सीको तयारी पूरा भएको छ ।

प्रिमियर लिगमा पछिल्ला दुई खेलमा जित निकालेर राहत महसुस गरिरहेको चेल्सी किभविरुद्धको खेलमा जित निकाल्दै आफूलाई सुरक्षित स्थानमा राख्न चाहन्छ । तर चेल्सीका प्रशिक्षक माउरीजियो सारीले आफ्ना खेलाडी शारीरिक र मानसिक रुपमा थकित भएको बताएका छन् । युक्रेनीयन टिम विरुद्धको खेल चेल्सीका लागि पछिल्लो १८ दिनमा सातौं खेल हुनेछ ।

उनले अघिल्लो साता टिमका लागि निकै तनावको समय रहेको बताए । यो बेला एकपछि अर्को खेलका कारण मुख्य खेलाडीलाई आराम चाहिएको अवस्था रहेको बताए । यो सिजन हामीले अरु युरोपियन टिम भन्दा आठ खेलसम्म बढी खेलेको बताउँदै उनले पछिल्लो दुई महिनामा राम्रोसँग प्रशिक्षण गर्न नपाएकोसमेत बताए ।

युरोपा लिगका लागि हाम्रो टिमले प्रिमियर लिग खेलेको ६३ घण्टामा नै खेल्न लागेको बताउँदै एकपछि अर्को खेलले टिमलाई ठूलो घाटा भइरहेको बताए । चेल्सीले किभसँग तेस्रो पटक खेल्न लागेको हो । यसअघिका दुई खेलमा चेल्सीले एक खेल जितेको छ भने एक बराबरी गरेको छ । पछिल्लो पटक यी दुई टिम च्याम्पियन्स लिगको समूह चरणमा २०१५–१६ को सिजनमा खेलेका थिए । यता कियभले इंग्ल्याण्डमा कुनैपनि युरोपियन प्रतियोगितामा खेल जित्न सकेको छैन ।

पछिल्ला १४ भ्रमणमा उसले ११मा हार र तीन बराबरी गरेको छ । यता आज राति नै आर्सनलले रेन एफसीसँग प्रतिस्पर्धा गर्नेछ । आर्सनललाई पछि पछिल्लो पटकको ब्यस्त खेल तालिकाले दबाव दिएको छ । १५ दिनमा पाँचौ खेल खेल्ने तयारीमा रहेको आर्सनलका प्रशिक्षक इमेरीले टिमले राम्रोसँग प्रशिक्षणको मौका नपाएको बताएका छन् । उनले टिमले शनिबारमात्र खेल खेलेको र विहीबारका लागि तयार रहे पनि खेलाडीलाई फ्रेसनेस कम भएको बताए ।

अन्तिम ३२ को खेलमा आर्सनल पहिलो लेगमा एक शून्यले पराजित भएपछि दोस्रो लेगमा घरेलु मैदानमा तीन शून्यको जित निकाल्दै प्रिक्वार्टरफाइनलमा प्रवेश गरेको हो । आर्सनलले फ्रेन्च क्लबविरुद्ध खेल्न लागेको यो १० औं टिम हो ।

फ्रेन्च क्लबविरुद्ध आर्सनलले अहिलेसम्म हारेको छैन । १३ खेलमा उसले आठ खेल जितेको छ । रेनले आफ्नो इतिहासमा दोस्रो पटक इंग्लिस क्लबविरुद्ध घरेलु मैदानमा खेल्दैछ । यसअघि २००१ मा एस्टोन भिल्लासँग खेलेको थियो ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्