एक वर्षमा विपद्का घटनाबाट एक अर्ब २३ करोड रुपैयाँ बराबरको भौ...
बैशाख २१, २०८१ शुक्रबार
आइतबार राति पोर्चुगिज स्टार क्रिस्टियानो रोनाल्डो बसेको होटेलबाहिर आएर इरानी प्रशंसकहरुले होहल्ला गरेर उनको निद्रा खल्बल्याइदिएका छन् ।
५० जना जतिको समूहमा आएका इरानी प्रशंसकले रोनाल्डो र उनको टिम बसेको रुसको सारान्स्कमा रहेको मक्र्युर होटेल अगाडि आएर ‘रोनाल्डो–रोनाल्डो’ भन्दै चिच्याएका थिए । उनीहरु भुभुजेला, ड्रम तथा अन्य बाजागाजा लिएर उपस्थित भएका थिए ।
समूह बी अन्तर्गतको अन्तिम खेलमा आज पोर्चुगल र इरान खेल्दैछन् । एउटा हारले दुवैको विश्वकप यात्रा समाप्त गर्न सक्नेछ । ३ अंक मात्रै भएको इरान हार्यो भने स्वतः बाहिरिनेछ । यदि इरानसँग पोचुर्गल हार्यो भने मोरक्कोले पनि स्पेनलाई हराएको स्थितिमा मात्रै पोर्चुगल अर्को चरणमा पुग्नेछ । स्पेनलाई इरानले पोर्चुगललाई हराएको गोलअन्तरभन्दा बढीले हराउनुपर्नेछ ।
इरानी समर्थकले पोर्चुगिज टिम रोनाल्डोको निद्रा खल्बल्याएर सोमबारको खेललाई केही प्रभावित गर्न सकिन्छ भनेर त्यहाँ पुगेको बताइन्छ ।
Ronaldo foi à janela pedir aos iranianos para o deixarem dormir em paz 💤
— B24 🇵🇹 (@B24PT) June 24, 2018
🎥 @RTP1 pic.twitter.com/UtYxZBbJF3
धेरैबेर बाजागाजासहित होहल्ला गरेपछि रोनाल्डो झ्यालमा आएर आफू सुत्न लागेकोले हल्ला नगर्न आग्रह गरेका थिए । ३३ वर्षीय पोर्चुगिज स्टार रोनाल्डो लयमा रहेका छन् । उनले पहिलो खेलमा नै स्पेनविरुद्ध ह्याट्रिक गरेका थिए । त्यस्तै मोरक्कोविरुद्धको जितमा पनि उनले नै एक गोल गरेका थिए ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।