मलेसियाको पर्यटन मेलामा नेपाल झल्कियो, नेपाली स्टलमा खचाखच आगन्तुक

चैत ४, २०७५ सोमबार ११:५१:१७ | उज्यालो सहकर्मी

मलेसियाको राजधानी क्वालालम्पुरमा भएको ‘मलेसिया एसोसिएसन अफ टूर एन्ड ट्राभल एजेण्ट’ माट्टा पर्यटन मेलामा नेपालले सफल सहभागिता जनाएको छ ।

मार्च १५ देखि १७ सम्म भएको माट्टा पर्यटन मेलाको नयाँ संस्करणमा नेपाल पर्यटन बोर्डसहित ८ वटा निजि क्षेत्रका पर्यटन व्यवसायीहरुको सहभागिता थियो ।

नेपाल भ्रमण वर्षको सन्देश लाइफटाइम एक्सपेरियन्सेसको भावमा नेपाली स्टल सजाइएको थियो । नेपाली स्टल परम्परा र आधुनिकताको समिश्रणको रुपमा निर्माण गरिएको हुँदा मेला कै आकर्षणको रुपमा रहेको थियो र आगन्तुकले भरिभराउ देखिन्थ्यो ।

स्टलमा आउने आगन्तुकले आउँदो सत्रमा नेपाल भ्रमण गर्दा हेर्न छुटाउन नहुने ठाउँहरु, विशिष्टताका क्षेत्रहरु साथसाथै पदयात्रा क्षेत्र, भिसा, पहुँच, हलाल खानाको उपलब्धता विषयमा जानकारी लिएका थिए ।

निजी क्षेत्रका सहभागीहरूले सिधै ग्राहकमा पुग्ने यस्तो मेला प्रभावकारी रहेको जनाएका छन् । काठमाण्डौ र क्वालालम्पुरबीच नेपाल एयरलाइन्स, हिमालय एयरलाइन्स, मलेसिया एयरलाइन्स, र मालिन्दो एयरले उडान भरिरहेका छन् ।

अन्तिम अपडेट: चैत ३१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्