होली खेल्दा गुणस्तरीय रङ र स्वच्छ पानी मात्र प्रयोग गर्न डाक्टरहरुकाे सुझाव

चैत ५, २०७५ मंगलबार १४:८:३८ | उज्यालो सहकर्मी

काठमाण्डाै - होली खेल्दा गुणस्तरीय रङ र स्वच्छ पानी मात्र प्रयोग गर्न डाक्टरहरुले सुझाव दिएका छन् ।

रमाइलोका नाममा गुणस्तरहीन रंग प्रयोग गर्दा छाला र आँखामा समस्या देखिने भएकाले ध्यान दिन डाक्टरले सुझाव दिएका हुन् । रंगमा मिसिएको लिड अर्थात सिसाले बालबालिकाको स्वास्थ्यमा गम्भीर असर गर्ने डाक्टर शम्भुदत्त जोशीले बताउनुभयो ।

होली खेल्दा उज्यालो रंगको, पूरा बाउला भएका लुगा लगाउनु र आँखा लेन्सको साटो चस्मा नै लगाउनु राम्रो हुने उहाँले बताउनुभयो । अनुहार र छालामा सन ब्लक क्रिम र जैतुन वा नरिवलको तेल दुई तीन घण्टा लगाए रंगको असरबाट जोगिन सकिन्छ ।

रंगका कारण छाला फुस्रो हुने, चिलाउने, डाबर आउने, रुघाखोकी लाग्ने, घाँटी दुख्ने जस्ता स्वास्थ्य समस्या देखिने डाक्टर जोशीले बताउनुभयो । यस वर्ष पहाडमा बुधबार र तराईमा बिहीबार होली पर्व मनाइँदैछ ।

होलीको बहानामा हुने अमर्यादित र अवान्छनीय गतिविधि रोक्न जनचेतनामूलक कार्यक्रम गरिरहेको नेपाल प्रहरीले बताएको छ ।

अन्तिम अपडेट: चैत २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्