आईपीएल फिक्सिङ प्रकरणबारे धोनीले भने : ममाथि के बितेकाे थियाे, कसैले केही साेध्याे ?

चैत ८, २०७५ शुक्रबार १५:३७:२७ | उज्यालो सहकर्मी

सन् २०१३ को आईपीएलमा भएको स्पट फिक्सिङ प्रकरणमा महेन्द्र सिंह धोनीले मुख खोलेका छन् । धोनीले आफूलाई त्यसबेला के भयो भन्ने बारेमा कसैलाई थाहा नभएको बताएका छन् ।

पीटीआईसँगको कुराकानीमा धोनीले भने, ‘मानिसहरुलाई लाग्ला कि म निकै बलियो छु । तर मलाई कस्तो छ भनेर कसैले सोध्दैनन् । यसबारेमा म कसैसँग कुरा गर्न चाहन्नथेँ । तर यसले मलाई भित्रभित्रै गुम्साइरहेको थियो ।’

आईपीएल २०१३ को म्याच फिक्सिङ प्रकरण आफ्नो जीवनको ‘सबैभन्दा कठिन र निराशाजनक समय’ भएको पनि धोनीले बताए । यसमा खेलाडीको के गल्ती थियो र भन्दै उनले भने, ‘सन् २०१३ मेरो जीवनकै कठिन समय थियो । त्यतिबेला म जति निराश भएँ, जीवनमा कहिल्यै भएको थिइनँ । त्यसभन्दा पहिले सन् २००७ को विश्वकपको समूह चरणमै हार व्यहोर्दा निराश भएको थिएँ । तर त्यतिबेला हामीले खराब क्रिकेट खेलेका थियौँ ।’

महेन्द्रसिंह धोनी अगाडि भन्छन्, ‘२०१३ को दृश्य फरक थियो । मानिसहरु म्याच फिक्सिङ र स्पट फिक्सिङको कुरा गरिरहेका थिए । देशैभर यसकै चर्चा भैरहेको थियो ।’ भारतले विश्वकप जित्दा कप्तान रहेका धोनी भन्छन्, ‘हामीलाई सजाय हुँदै थियो ।

केवल कति सजाय हुन्छ भन्ने कुरा मात्रै थियो । चेन्नई सुपर किंग्समाथि दुई वर्षको प्रतिबन्ध लाग्यो । त्यतिबेला हामी सबै एकजुट थियौँ । तर पनि कप्तानको भूमिकाका कारण यही प्रश्न थियो कि टिमको के गल्ती थियो ?’

धोनीले म्याच फिक्सिङ हत्याभन्दा पनि ठूलो अपराध भएको बताए । उनी भन्छन्, ‘फिक्सिङमा मेरो नाम पनि जोडियो । मिडिया तथा सोसल मिडियामा टिम नै सहभागी थियो जस्तो गरी देखाइयो । म पनि फिक्सिङमा सहभागी थिएँ जस्तै देखाइयो ।’

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्