जर्मन बुण्डेस लिग : बोरुसिया डर्टमण्ड विजयी हुँदा बायर्न म्युनिख बराबरीमा रोकियो

चैत १७, २०७५ आइतबार ६:५९:२१ | उज्यालो सहकर्मी

जर्मन बुण्डेस लिगमा बोरुसिया डर्टमण्ड विजयी हुँदा बायर्न म्युनिख भने बराबरीमा रोकिएको छ । डर्टमण्डले उल्फ्सबर्गलाई २–० ले हराउँदा बायर्नलाई फ्रेइबर्गले १–१ गोलको बराबरीमा रोक्यो ।

यो नतिजाका कारण डर्टमण्ड शीर्ष स्थानमा फर्किएको छ । पाको अल्कासरले इन्ज्युरी समयमा दुई गोल गर्दा डर्टमण्डले तीन अंक खोसेको हो । निर्धारित ९० मिनेटसम्म दुबै टिमबाट गोल हुन सकेको थिएन ।

थपिएको इन्ज्युरी समयमा अल्कासरले गोल गर्दै डटर्मण्डलाई अग्रता दिलाए । इन्ज्युरी समयकै चौथो मिनटेमा अल्कासरले नै ब्यक्तिगत दोस्रो गोल गर्दा डर्टमण्ड विजयी भयो ।

जितसँगै डर्टमण्ड बुण्डेस लिगा तालिकको शीर्ष स्थानमा उक्लिएको छ । डर्टमण्डको ६३ अंक भएको छ । फ्रेइबर्गसँग बराबरीमा रोकिएपछि बायर्न दोस्रो स्थानमा झर्न पुग्यो ।

खेलको तेस्रो मिनेटमा लुकास होलरले गोल गर्दै फ्रेइबर्गलाई अग्रता दिलाएका थिए । २२औं मिनेटमा रोबर्ट लेवान्दोस्कीले गोल गर्दै खेल बराबरीमा पुर्‍याए । बाँकी समयमा गोल हुन नसक्दा बायर्न अंक बाँढ्न बाध्य भयो । तालिकामा बायर्नले ६१ अंक जोडेको छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्