पुलिस र ब्रिगेड ब्वाइज ललित स्मृति यू–१८ फुटबलको क्वार्टर फाइनलमा

असार १९, २०७६ बिहीबार २०:९:२९ | उज्यालो सहकर्मी

काठमाण्डाै - नेपाल पुलिस क्लब र ब्रिगेड ब्वइज क्लब ललित स्मृति यू - १८ फुटबल प्रतियोगिताको क्वार्टरफाइनलमा प्रवेश गरेका छन् ।

बिहीबार भएको खेलमा नेपाल पुलिस क्लबले सरस्वती युवा क्लबलाई हरायो । अर्को खेलमा ब्रिगेड ब्वाइजले जावलाखेल युथ क्लबलाई ३–० ले हरायो ।

यसअघि समूह सीको पहिलो खेलमा नेपाल पुलिस क्लबले जावलाखेल युथ क्लबलाई हराएको थियो । बिहीबार सरस्वतीलाई हराउनका लागि सञ्जु सेनले ह्याट्रिक गरे ।

खेलको १८ औ‌ं मिनेटमा सञ्जुले पहिलो गोल गर्दै क्लबलाइ १ - ० को अग्रता दिलाएका थिए । त्यसपश्चात उनले ४५ र ७४ मिनेटमा गोल गर्दै ह्याट्रिक पूरा गरे । त्यस्तै रबिन राई र एन्सन राईले ७७ र ८१ औं मिनेटमा एक एक गोल गरे ।

सरस्वती क्लबका लागि ७८ औं मिनेटमा बिमल सिलवालले एक गोल फर्काए । ब्रिगेड ब्वाइजले जावलाखेललाई हराउँदा रोशन रानामगरले दुई गोल गरे । उनले खेलको ५४ औं र ७० औं मिनेटमा गोल गरेका थिए । त्यसअघि पहिलो हाफमा बिर्जेस चौधरीले ३४ औं मिनेटमा पहिलो गोल गरेका थिए ।

यसअघि ब्रिगेड ब्वाइजले सरस्वतीलाई हराएको थियो । दुई जितपश्चात समूह सीबाट पुलिस क्लब र ब्रिगेड ब्वाइज क्वार्टरफाइनल पुगेका हुन् ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्