बिग्रिएको ट्रक हटाउन नसक्दा नागढुंगामा २४ घण्टादेखि गाडीको चाप

असार २०, २०७६ शुक्रबार ८:२१:३ | उज्यालो सहकर्मी

काठमाण्डौ – काठमाण्डौको मुख्य नाका नागढुंगामा हिजोदेखिको गाडीको चाप अझै कम हुन सकेको छैन । नागढुंगा नजिकै धादिङको सिक्रेखोलामा बिहीबार बिहान बिग्रिएको ट्रक हटाउन नसक्दा गाडी ओहोरदोहोरमा समस्या भएको हो ।

ट्रक बिग्रिएको ठाउँमा एकतर्फी मात्र गाडी सञ्चालन हुँदा काठमाण्डौ भित्रिने र काठमाण्डौबाट बाहिरिने गाडीको लामो लाइन लागेको छ । काठमाण्डौ भित्रिने गाडीको लाइन खानीखोलासम्म र काठमाण्डौबाट छुटेका गाडीको लाइन नागढुंगासम्म पुगेको छ ।

प्रहरीका अनुसार मार्बल बोकेर काठमाण्डौका लागि छुटेको भारतीय नम्बर प्लेटको ठूलो ट्रक बीच सडकमै बिहीबार बिहान ६ बजेतिर बिग्रिएको हो । बिग्रिएको ट्रक बनाउन पनि नसकिएको र क्रेनले हटाउन पनि नसकिएको प्रहरीले जनाएको छ ।

प्रहरीका अनुसार आलोपालो गरेर एक लेनमा गाडी गुडिरहेकाले चाप भएको हो । अझै केही घण्टा यो सडकखण्डमा चापमा गाडी गुड्ने ट्राफिक प्रहरीले जनाएको छ ।

काठमाण्डौ प्रवेश गर्ने यो मुख्य सडकखण्डमा बाटो साँघुरो र गाडीको चाप धेरै हुने हुँदा एउटा गाडी बिग्रँदा पनि लामो जाम हुने गरेको छ ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्