इटलीका पूर्व गोलकिपर बुफन युभेन्टस फर्किए

असार २०, २०७६ शुक्रबार १७:४३:५३ | उज्यालो सहकर्मी

इटलीका पूर्व गोलकिपर जियानलुइजी बुफन युभेन्टस फर्किएका छन् । ४१ वर्षीय बुफन केही समय पीएसजीमा अनुबन्धित भएका थिए ।
१७ वर्ष युभेन्टसमा बिताएका उनी गत सिजनमात्र फ्रान्सेली क्लब पीएसजी गएका थिए ।

बुफनले युभेन्टसका लागि मेडिकल टेस्ट गरेका थिए । एक वर्षका लागि युभेन्टससँग सम्झौता गरेका छन् । इटलीका पूर्व गोलकिपर बुफनले १७६ अन्तर्राष्ट्रिय क्याप जितिसकेका छन् ।

सन २००६ कोे विश्वकप जित्दा उत्कृष्ट प्रदर्शन गरेका बुफनले क्लब फुटबलमा ९ सिरि ए उपाधि र ४ इटालियन कप तथा फ्रेन्च लिग पनि जितेका थिए । उनले सिरि ए मा अरु ८ पटक उत्कृष्ट प्रदर्शन गरेमा एसी मिलानका पाउलो माल्दिनीले बनाएका ६४७ को रेकर्ड तोड्न सक्नेछन् ।

बुफन युभेन्टसले अर्को सिजनका लागि भित्र्याएको तेस्रो खेलाडी हुन् । यसअघि युभेन्टसले आर्सनलका आरोन राम्से र पीएसजीकै एड्रियन रबिओट्सलाई भित्र्याइसकेको छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्