काठमाण्डौ – नेपालका लागि टाटा मोटर्सको अधिकृत बिक्रेता सिप्रदी ट्रेडिङ प्रालिको टाटा मोटर्स ग्लोबल सर्भिस क्याम्प २०१९ सुरु हुँदैछ । मंसिर १९ देखि २१ गतेसम्म नेपालभर रहेका सिप्रदीका ५३ वटै सर्भिस सेन्टरमा एकैसाथ ग्लोबल सर्भिस क्याम्प हुन लागेको हो ।

टाटा मोटर्सले हरेक वर्ष संसारभरी रहेका आफ्ना सम्पूर्ण ग्राहकलाई उच्चस्तरीय सेवा दिने उदेश्यले ग्लोबल सर्भिस क्याम्प गर्दै आएको छ । विश्वभर एकैसाथ हुने टाटा मोटर्स ग्लोबल सर्भिस क्याम्पको यो नेपालमा चौथो संस्करण हो ।

तीनदिनसम्म सञ्चालन हुने क्याम्पमा टाटा कमर्सियल भेइकलको निःशुल्क सर्भिस गरिन्छ साथै एक्साइड ब्याट्री, म्याकलुब्रिकेन्ट्स र टाटा जेन्युइन स्पेयर पार्टस, टायरलगायतका एसोसेरिजमा विशेष छुट प्रदान गरिने सिप्रदी मार्केटिङ सर्भिसका डेप्युटी म्यानेजर विकास ढकाले जानकारी दिनुभयो ।

यसैगरी क्याम्प अवधिमा ग्राहकले निःशुल्क सवारी जाँच सेवाहरु, विशेष ट्रेनिङ, विभिन्न मनोरञ्जनात्मक कार्यक्रमलयागतका अन्य थुप्रै आकर्षक सेवा तथा सुविधाहरु पाउन सक्नेछन् ।

गाडीसँग सम्बन्धित सम्पूर्ण सल्लाह, सुझाव र जानकारी दिने हेतुले आयोजना गरिएको ग्लोबल सर्भिस क्याम्पमा ग्राहकको स्वास्थ्य परीक्षण गर्नुको साथै रक्तदान कार्यक्रम पनि गर्ने योजना रहेको डेप्युटी म्यानेजर ढकालले जानकारी दिनुभयो ।