विद्यालयको छानोले हिउँदे पानी छेकेन, विद्यार्थी कक्षाभित्रै छाता ओढ्छन्

पुष २५, २०७६ शुक्रबार ८:२७:२० | उज्यालो सहकर्मी

रोल्पा – विद्यालयको छानो चुहिने भएपछि रोल्पाको एक विद्यालयका विद्यार्थीहरु कक्षा कोठाभित्रै छाता ओढेर पढ्न बाध्य भएका छन् ।

रोल्पाको रुन्टीगढी गाउँपालिका १ को राङजात रिठाबोटमा रहेको नेपाल राष्ट्रिय माध्यमिक विद्यायलयको छानो मर्मत नहुँदा कठ्याङ्ग्रिदो जाडोमा सबैजसो कक्षाकोठाका विद्यार्थी छाता ओढेर पढ्न बाध्य भएका हुन् ।

जस्तापाता फेर्न पटक–पटक पालिकासँग माग गरेको भए पनि सुनुवाइ नहुँदा विद्यार्थीहरुले सास्ती भोग्नु परेको विद्यालयका प्रधानाध्यापक झक्कु ओलीले गुनासो गर्नुभयो । ‘वडा र गाउँपालिकामा माग गरेका छौँ तर सहयोग भएको छैन’, ओलीले भन्नुभयो, ‘चिसोमा विद्यार्थीको बिजोग भएको छ ।’

यसअघिको वर्षा सुरु नहुँदै जस्तापाता माग गरेको विद्यालयले अहिलेसम्म पनि छानो फेर्न पाएको छैन । भवन पनि जीर्ण अवस्थामा रहेको छ । पानी चुहिने समस्या मात्र नभएर भवन नै भत्किने हो कि ? भन्ने चिन्ता रहेको शिक्षकहरु बताउँछन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्