जापान पठाइदिन्छु भन्दै ठगेर फरार अजय पक्राउ

माघ २६, २०७६ आइतबार १२:४:५८ | उज्यालो सहकर्मी

काठमाण्डौ – जापान पठाइदिने भन्दै ठगी गर्ने भक्तपुर सूर्यविनायक नगरपालिका ७ का अजय तामाङ पक्राउ परेका छन् ।

वैदेशिक रोजगार ठगीमा चार वर्ष ६ महिना कैद सजाय सुनाइएका फरार अजयलाई शुक्रबार केन्द्रीय अनुसन्धा व्यूरो (सीआईबी)ले शुक्रबार कोटेश्वरबाट पक्राउ गरेको हो ।

सुमन ऐरीलाई जापान पठाइदिन्छु भन्दै रकम लिएर नपठाएपछि वैदेशिक रोजगार न्यायाधिकरणले गएको वर्ष मंसिरमा अजयलाई साढे चार वर्ष जेल र चार लाख ५० हजार रुपैयाँ जरिवाना हुने फैसला गरेको थियो ।

फैसला कार्यान्वयनका लागि अजयलाई भक्तपुर जिल्ला अदालतमार्फत् कारागार कार्यालय डिल्लीबजार पठाइएको सीआईबीले जनाएको छ ।

अन्तिम अपडेट: बैशाख ५, २०८१

जापान पठाइदिन्छु भन्दै ठगेर फरार अजय पक्राउ

तपाईको प्रतिक्रिया