गुम्बागाउँका बिरामीमा कोरोना भाइरसको संक्रमण नभएको पुष्टि : निकाे हुन थाले बिरामी

फागुन ३, २०७६ शनिबार ९:२०:२४ | उज्यालो सहकर्मी

काठमाण्डाै - रुघाखोकी र ज्वरोको संक्रमण फैलिएको सिन्धुपाल्चोकको जुगल गाउँपालिका ३ गुम्बागाउँका बिरामीमा कोरोना भाइरसको संक्रमण नभएको पुष्टि भएको छ ।

गुम्बा गाउँबाट संकलन गरिएको २५ जना बिरामीको नमुना परीक्षण गर्दा कोरोना भाइरसको संक्रमण नभेटिएको राष्ट्रिय जनस्वास्थ्य प्रयोगशाला टेकुले उज्यालोलाई जानकारी दिएको छ ।

गाउँमा ज्वरो र रुघाखोकीका बिरामी बढेपछि गाउँपालिकाले कोरोना संक्रमणको आशंका गरेर थप परीक्षण र उपचारका लागि स्वास्थ्य तथा जनसंख्या मन्त्रालयलाई पत्र लेखेको थियो । यसैबीच, गाउँमा रुघाखोकीका बिरामी घटिरहेको र यसअघिका बिरामी निको हुन थालेको गाउँपालिकाका अध्यक्ष होमनारायण श्रेष्ठले बताउनुभयो ।

अहिले स्वास्थ्य शिविरमा दैनिक २० जनाभन्दा बढी बिरामी उपचारका लागि गइरहेको अध्यक्ष श्रेष्ठले बताउनुभयो । प्रयोगशालाको नमुनाको प्रतिवेदन प्राप्त भैनसकेको भन्दै अध्यक्ष श्रेष्ठले प्रतिवेदनमा कोरोना संक्रमण भएको नपाइए गाउँवासीलाई ढुक्क हुने बताउनुभयो ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्