गाउँपालिका कार्यालयमा पुग्न भारतीय बाटो

साउन १४, २०७५ सोमबार १२:९:२ | हेमराज शर्मा

दाङ, – नेपाल—भारत सिमा क्षेत्रमा पर्ने दाङको गढवा गाउँपालिका वडा नम्बर ८ का स्थानीयहरु आफ्नै गाउँपालिकाको कार्यालयमा पुग्न भारतीय बाटो प्रयोग गर्न बाध्य छन् ।

वर्षायामको सुरुवातसँगै नेपाल–भारतको भन्सार नाका रहेको कोइलाबास क्षेत्रका बासिन्दालाई आफ्नै गाउँपालिकासहित जिल्लाका कुनै पनि निकायमा पुग्नलाई भारतीय बाटो प्रयोग गर्नुपर्ने बाध्यता रहेको स्थानीयहरु बताउँछन् ।

यहाँका बासिन्दा कोइलाबासबाट २४ किलोमिटर दक्षिणमा पर्ने भारतको तुलसिपुर बढनी कृष्णनगर भन्सार नाका हुँदै ५ घण्टाको यात्रा गरि जिल्ला सदरमुकाम तथा गाँउपालिका कार्यालय जाने गरेको वडा नम्बर ८ का अध्यक्ष सद्धाम सिद्धिकीले बताउनुभयो ।

लमही कोइलाबास सडक निर्माण नहुँदा वर्षायामसँगै यातायात सेवा बन्द हुन्छ । पानी पर्दा सडक हिलाम्मे हुने भएकाले पैदल हिँड्नसमेत नसकिने भएकाले भारतीय बाटो प्रयोग गर्नुको विकल्प नभएको स्थानीयहरुको भनाइ छ ।

त्यसो त हुलाकीमार्ग अन्तर्गतको लमही कोइलाबास सडकको गढवा खण्डबाट कालोपत्रे गर्न सुरु गरिएको छ । यो सडक कालोपत्रे भए भारतीय बाटो प्रयोग गर्नुपर्ने समस्या समाधान हुनेछ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्