'यो त एउटा सुनौलो अवसर हो'

जेठ १५, २०७७ बिहीबार १५:४४:२६ | दामोदर न्याैपाने

कविता

हो, अहिले लकडाउन हो
घरबाहिर निस्कन नपाइने भन्दैमा
घरभित्रै थुनिएर अनि ओछ्यानमा दोब्रिएरहो, अहिले लकडाउन हो घरबाहिर निस्कन नपाइने भन्दैमा
घरभित्रै थुनिएर अनि ओछ्यानमा दोब्रिएर
बस्ने बेला भने पटक्कै होइन
यो त एउटा सुनौलो अवसर हो ।

कलम चलाउन जान्नेले लेख्ने अनि कोर्ने बेला हो
कोदालो चलाउन जान्नेले माटोको ढिस्को फोर्ने बेला हो ।
आफ्नो सिर्जना र कौशललाई तिखार्ने
गर्न सक्ने कुरा गर्ने अनि सपार्ने
आफूलो जानेको सिकाउने अनि नजानेको कुरा चोर्ने बेला हो ।।

वर्षाैँदेखि बाँझो जग्गालाई खन्ने अनि जोत्ने बेला हो
कापीमा चित्र कोरेर अनेकौँ रङ्गले पोत्ने बेला हो ।
भान्छामा आमालाई सघाएर आलु काटिदिने
खेतमा बुवालाई सघाएर छेउ कुना खन्ने, आली ताछिदिने
कुन ड्याङमा के लगाउने सोच्ने बेला हो ।।

आमालाई पालो दिएर एक छाक खाना पकाइदिने बेला हो
बुवाको खुम्चिएको कमिजमा इस्त्री लगाइदिने बेला हो ।
दिउँसोपख गाई बख्रा फोइदिने
साँझ बिहान गाईभैँसी दोहिदिने
आमबुवाको मनमा अझ स्नेह र प्रेम जगाइदिने बेला हो ।।

घरको छानो चुहिएको भए टालिदिने बेला हो
घुन लागेको चामल र मकै नाङ्लोमा चालिदिने बेला हो ।
कहिले साग र तरकारी केलाउने
भाइ बहिनीलाई खेलाउने
शहरीयाले कामै गर्न हुँदैन भन्ने सोचलाई फालिदिने बेला हो ।।

यो त एउटा सुनौलो अवसर

हो, यो त एउटा सुनौलो अवसर हो ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दामोदर न्याैपाने

उज्यालाेमा कार्यरत दामोदर न्याैपाने समसामयिक विषयमा कलम चलाउनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्