राज्यकाे अनावश्यक खर्च कटाएर दिगाे राेजगारी सिर्जना गर्नमा लगाउने कि !

साउन ८, २०७८ शुक्रबार १५:९:४६ | नारायण कोइराला

बकर इदको बिदामा खासै बाहिर निस्किने अवस्था थिएन । साथीभाइहरुले निमन्त्रणा गरे पनि यसपालि अस्वीकार गर्नुपर्ने अवस्था नै थियो । परदेशमा इदको राैनक एकदम खल्लो देखियो । पहिला जस्तो गल्ली गल्लीमा गएर रमाइलो गर्न सकिएन । इन्टरनेटमै वा भनाैँ सामाजिक सञ्जालमै याे वर्षकाे इद मनाइयाे ।

के गर्नु ! परदेशी भए पनि देशकाे चिन्ता त लागिहाल्ने । एक दिन बिदामा काेठाभित्रै बस्दा पूरै देशकाे चित्र काेठाकाे भित्तामा छर्लङ्गै देखिन्छ । याे खाली समयमा त्यही चित्र हेर्ने र बुझ्ने अवसर पनि मिल्यो ।

गएकाे हप्ता दश दिनमा नेपालमा केही कुराहरू भाइरल भएका छन् । यो अवस्था हेर्दा कतै हाँसो, कतै अचम्म अनि कतै रमाइलो पनि लाग्यो । सत्ताबाट बहिर्गमन भएका प्रधानमन्त्रीको बार्दली भाषण गजबको थियो । देशमा यस्तो अवस्था आउँदा त्यो भाषणको अर्थ के ? भन्ने प्रश्न पनि मनमा उठ्यो । तर फेरि भाषण गर्ने उहाँकाे अधिकार होला भनेर चित्त बुझाइयाे ।

अर्को अचम्म लाग्ने कुर, सडकमा बाँदरको भेषमा प्रदर्शन । के को लागि, बाँदरबाट विकसित भएको आफ्नो रूपलाई फेरि कुरुप बनाए जस्तै देशलाई पनि त्यस्तै बनाउन ?

फेरि अर्को प्रश्न, के पाइयो यसरी भेष बदली बदली समर्थन गरेर ? के यो आन्दोलनले गरिबको चुलो जल्यो ? एक छाक खान नपाउनेले खान पायो ? या युवालाई विदेश जानबाट रोक्न सक्यो ? म आन्दोलनको विरोधी होइन तर आन्दोलनले के दिन्छ भन्ने पनि बुझ्नु पर्यो । जति सडकमा नचाए पनि, दौडाए पनि के भएको छ ?

यति कुरा सकिँदा नसकिँदै अर्को चर्चा चर्किएको छ । उपचार खर्च । जो सम्पन्न छ, उसको लागि सरकारले उपचार किन गर्नुपर्ने ? काेही कुनै पार्टीकाे नेता भएकाे आधारमा हाेइन, जोसुकैले पनि राम्रो र सुलभ उपचार पाउनुपर्छ । काेही सिटामोल खान नपाएर छटपटाइरहेक‍ा छन्, कसैले देशकाे ढुकुटीबाट पैसा निकालेर विदेशमा उपचार गर्ने बहस चल्दै छ । यस्ता कुराले हामी परदेशीकाे मन कटक्क खान्छ ।

यी त बितेकाे दश दिनका कहानी हुन् । यदि सरकार जिम्मेवार छ भने अनावश्यक खर्च गरेर नागरिकलाई झन ऋणमा डुबाउन मिल्दैन । यसरी हुने फजुल खर्च कटाएर अर्को महत्त्व पूर्ण कुरो पनि त गर्न सकिन्छ । रेमिटेन्स पठाएर देश धान्ने परदेशीहरु विदेशमा नोकरी गुमाएर विस्थापित हुँदैछन् । काेही देशमा केही अवसर मिलेन भनेर हरियाे राहदानीकाे भरमा छन् । यसरी गर्ने फजुल खर्च उनीहरूको ज्ञान सीप अनुसार राेजगारीका अवसर प्रदान गर्नमा सदुपयाेग किन नगर्ने ? राज्यकाे अनावश्यक खर्च कटाएर दिगाे राेजगारी सिर्जना गर्नमा किन नलगाउने ? पराइ मरुभूमिलाई हरियाली बनाउनेले आफ्नै देशमा सुन फलाउन नसक्लान र ?

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्