राष्ट्रिय फुटसल लिग : राइजिङ क्लब र स्पाेर्ट्स क्यासलकाे विजयी सुरुवात

असोज २, २०७८ शनिबार २०:३५:५ | उज्यालो सहकर्मी

पाेखरा – ए डिभिजन राष्ट्रिय फुटसल लिग आज शनिवारदेखि सुरु भएको छ । लिगमा राइजिङ क्लब धरान र स्पाेर्ट्स क्यासल पोखराले विजयी सुरुवात गरेका छन् ।

पोखरा रङ्गशालाको कभर्ड हलमा भएको उद्घाटन खेलमा राइजिङ क्लब धरानले स्काई गोल्स काठमाण्डौलाई पाँच–चार गोलले हरायो । राइजिङका रिओस मास्केले दुई र मिलन लिम्बू, दोर्जे तामाङ र सुदीप गुरुङले एक/एक गोल गर्नुभयो । मच्छिन्द्रका श्रीकृष्ण श्रेष्ठले ह्याट्रिक गरे पनि टोलीलाई जिताउन सकेनन् । मच्छिन्द्रका आशिस सुनमले एक गोल गरे ।

त्यस्तै अर्को खेलमा प्रभातफेरी युथ क्लब स्पाेर्ट्स क्यासल पोखरासँग सात–शून्यले पराजित भएको छ । स्पोर्टस् क्यासलका सुमित श्रेष्ठ र खिमराज गुरुङले समान दुई गोल तथा किशोर गुरुङ, दीपेश घले र विजय गुरुङले एक/एक गोल गरे ।

नेपालमा पहिलो पटक आयोजना गरिएको फुटसल लिगमा देशका सात प्रदेशबाट गरी १० टोलीले सहभागिता जनाएका छन् । खेल राउण्ड रोबिन प्रणालीका आधारमा खेलाइने आयोजकले जनाएको छ ।

आउँदो २२ गतेसम्म हुने लिगमा कुल ४९ खेल हुनेछन् । सबै खेल ४० मिनेटको हुनेछ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्