ए डिभिजन लिग : नेपाल पुलिस क्लबको विजयी सुरुवात

 असोज २५, २०७५ बिहिबार १७:३२:२ | उज्यालो सहकर्मी
unn.prixa.net

काठमाडौं – नेपाल पुलिस क्लबले शहीद स्मारक ए डिभिजन लिगको नयाँ सिजन जितका साथ सुरु गरेको छ ।

डिफेन्डर अजित भण्डारीको पहिलो हाफको गोल निर्णायक बन्दा पुलिसले जावलाखेल युथ क्लबसँग तीन अंक खाेस्न सफल भयो । सातदोबाटोस्थित एन्फा कम्प्लेक्स मैदानमा बिहीबार भएको खेलको ३१औं मिनेटमा पुलिसले अग्रता लिएको थियो । तेज तामाङको पासको सदुपयोग गर्दै अजितले गोल गरेका थिए ।

जितसँगै पुलिसले लिगमा पहिलो तीन अंक जोडेको छ । लिगमा भोलि हिमालयन शेर्पा क्लब र एपीएफ तथा ब्रिगेड ब्वाइज र मनाङ मर्स्याङ्दी क्लबबीच खेल हुनेछ ।
हिमालयन शेर्पा र एपीएफबीचको खेल बिहान एघार बजे हुनेछ भने दोस्रो खेल तीन बजे सुरु हुनेछ । 

अन्तिम अपडेट: असोज २६, २०७५

तपाईको प्रतिक्रिया