अफगानिस्तानसँगको टी–२० शृङ्खलामा घरेलु टोली बङ्लादेशको 'क्लिन स्वीप'

साउन १, २०८० सोमबार ९:११:२९ | उज्यालो सहकर्मी

काठमाण्डाै - घरेलु टोली बङ्लादेशले अफगानिस्तानसँगको टी–२० शृङ्खलामा क्लिनस्वीप गरेको छ । दोस्रो टी–२० मा पाहुना टोली अफगानिस्तान ६ विकेटले पराजित भयो ।

जितका लागि १ सय १७ रनको मध्यम लक्ष्य पछ्याएको बङ्लादेशले १६ ओभर १ बलमा ४ विकेट गुमाउँदै भेट्टायो । बङ्लादेशका लिटन दासले सर्वाधिक ३५ रन बनाए । अफगानिस्तानका मुजिब उर रहमान र आजमतुल्लाह ओमरजाइले समान दुई विकेट लिए । त्यसअघि वर्षाले प्रभावित खेलमा अफगानिस्तानले टस हारेर पहिला ब्याटिङ गर्दै निर्धारित १७ ओभरमा ७ विकेट गुमाएर १ सय १६ रन बनाएको थियो ।

अफगानिस्तानका आजमतुल्लाह ओमरजाइले २५, करिम जन्नत २० र इब्राहिम जद्रान २२ रनमा आउट भए । बङ्लादेशका तस्किन अहमदले ३ विकेट लिए । मुश्ताफिजुर रहमान र सकिब अल हसनले समान दुई विकेट लिए ।

पहिलो खेलमा बङ्लादेश २ विकेटले विजयी भएको थियो । त्यसअघि भएको तीन खेलको एकदिवसीय शृङ्खला पाहुना टोली अफगानिस्तानले २–१ ले जितेको थियो ।

अन्तिम अपडेट: कात्तिक ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्