एसियाली खेलकुदको महिला कबड्डीमा नेपालको पदक पक्का

असोज १७, २०८० बुधबार ९:४३:२७ | उज्यालो सहकर्मी

काठमाण्डाै - चीनमा भइरहेको १९औँ एसियाली खेलकुद प्रतियोगिता अन्तर्गत महिला कबड्डीमा नेपालले कम्तीमा कास्य पदक पक्का गरेको छ ।

एसियाली खेलकुदको महिला कबड्डीमा पहिलो पटक सहभागिता जनाएको नेपालका लागि कास्य पदक पक्का भएको हो ।

आज भएको समूह ‘बी’ को खेलमा इरानले बङ्लादेशलाई ५४—१६ अङ्कले हराएपछि नेपाल प्रतियोगिताको सेमिफाइनलमा पुगेको छ ।

नेपाल सेमिफाइनलमा पराजित भए पनि कम्तीमा कास्य पदक प्राप्त गर्नेछ । कबड्डीको सेमिफाइनलमा पराजित हुने दुवै टोलीलाई कास्य पदक प्रदान गर्ने प्रावधान छ ।

एसियाली खेलकुदको इतिहासमै नेपालले कबड्डी (पुरुष र महिला) मा पदक जितेको यो पहिलो पटक हो । यसअघि समूहगत चरणको आफ्नो पहिलो खेलमा नेपालले बङ्लादेशलाई ३७—२४ अङ्कले हराएको थियो।

समूहगत चरणको दोस्रो खेलमा हिजो इरानले नेपाललाई ४३—१९ अङ्कले हराएको थियो । एसियाली खेलकुदको महिला कबड्डीमा कुल सात ७ देश सहभागी छन् ।

समूह ‘ए’ मा भारत, चाइनिज ताइपेई, दक्षिण कोरिया र थाइल्यान्ड रहेका छन् । समूह ‘बी’ बाट नेपाल र इरान सेमिफाइनलमा पुग्दा नेपालले सेमिफाइनलमा प्रतिस्पर्धा गर्ने टोलीको टुङ्गो लागिसकेको छैन । बङ्लादेश समूहगत चरणबाटै बाहिरिएको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्