डाक्टर उपेन्द्र देवकोटा : जन्मघरमा पानी खाएपछि उज्यालो भयो अनुहार, तर बोली आएन

जेठ २६, २०७५ शनिबार १७:३०:३१ | किरण लोहनी

गोरखा- आफ्नो जन्मघर पुग्ने र सिस्नेधाराको पानी खाने वरिष्ठ न्युरोसर्जन डाक्टर उपेन्द्र देवकोटाको धोको पूरा भएको छ ।

पित्तथैलीको क्यान्सरको उपचार गराइरहेका डाक्टर देवकोटाको इच्छा अनुसार शनिवार उहाँको जन्मघर गोरखाको बोहोरागाउँ पुर्याइएको छ ।

काठमाडौंको बाँसबारीमा रहेको न्युरो अस्पतालमा उपचार गराइरहेका डाक्टर देवकोटालाई काठमाडौबाट घर नजिकैसम्म हेलिकोप्टरमा र त्यहाँबाट स्ट्रेचरमा चढाएर जन्मघर पुर्याइएको थियो ।

उहाँलाई केहीबेर घरमा राखियो । उहाँसँगै रहेका छोरीहरुले सिस्नेधाराबाट बोतलमा पानी भरेर लगेर खुवाएका थिए । घरमा सुस्ताउने र सिस्नेधाराको पानी खाने आफ्नो इच्छा पूरा हुँदा उहाँको अनुहारमा सन्तुष्टिको उज्यालो फैलिएको उहाँसगै काठमाडौ‌बाट आएका डाक्टरहरुले बताएका थिए ।

‘अनुहार उज्यालो भएको थियो, यसले उहाँ होसमै रहेको कुरा पुष्टि हुन्छ,’ डाक्टरले भने,‘तर आवाज निकाल्न सक्नुभएन ।’

एउटा हेलिकोप्टरमा उपचारमा संलग्न चिकित्सकहरु र अर्को हेलिकोप्टरमा परिवारका सदस्यसहित देवकोटालाई जन्मघर पु-याएर काठमाडौ ल्याइएको हो ।

पालुङटार नगरपालिका ४ बोहोरागाउँमा रहेको जन्मघर २०३० सालमा आगो लागेर जलेपछि उहाँले नै पुनर्निर्माण गराउनुभएको थियो ।

त्यो घर २०७२ सालको भूकम्पले भत्काएपछि पुनर्निर्माण गराएर केही ठूलो पनि बनाइएको स्थानीय वासिन्दाले जानकारी दिए । त्यस घरमा उहाँ वर्षको कम्तिमा पनि ३ चोटी जाने गरेको र घरबाटै बिरामी पनि जाँच्ने गरेको गाउँलेले बताए ।

डाक्टर देवकोटा काठमाडाैंबाट आउने थाहा पाएदेखि उहाँलाई हेर्न र भेट्न स्थानीय वासिन्दा, उहाँका विद्यार्थी, उहाँलाई पढाएका शिक्षक लगायत उपस्थित भएका थिए ।
देवकोटाको अवस्था देखेर उपस्थित सबै भावुक बनेका थिए ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्