नेपालमै पहिलो पटक 'स्काई रेस पिके पिक' प्रतियोगिता सोलुखुम्बुमा हुँदै

कात्तिक १, २०८० बुधबार २०:२७:५२ | उज्यालो सहकर्मी

सोलुखुम्बु – सोलुखुम्बुको फाप्लुमा नेपालमै पहिलो पटक स्काई रेस पिके पिक ट्रेल रनिङ प्रतियोगिता हुने भएको छ । कोलम्बिया स्पोर्ट्स वेयर नेपालको सहयोगमा नेपाल ट्रेल सिरिजले आउँदाे शुक्रवार प्रतियोगिता हुन लागेको आज बुधवार फाप्लुमा पत्रकार सम्मेलनमार्फत जानकारी गराइएकाे हाे ।

भविष्यमा नेपालमा अन्तर्राष्ट्रियस्तरको स्काई रेस प्रतियोगिता गर्नुका साथै खेलकुद पर्यटन प्रवर्धनमा सहयोग गर्ने उद्देश्यले याे प्रतियाेगिता गर्न लागेको रेस व्यवस्थापक प्रिति खत्रीले जानकारी दिनुभयो ।

रेसमा ५५ किमीको स्काई अल्ट्रा, ३३ किमीको ट्रेल रेस र ५ किमीको फन रन हुनेछ । झन्डै २ हजार मिटरको उचाइ फाप्लुबाट शुरु हुने रेस लोदिङ हुँदै ४१ सय मिटरको उचाइमा रहेको पिके पार परेर पेमा डाँडा, जुनबेसी, थुक्तेछोलिङ, सिमसरी डाँडा, रिङमु हुँदै फाप्लुमै आएर समापन हुने जनाइएको छ ।

सोलुदूधकुण्ड नगरपालिका ४ फाप्लुबाट शुरु हुने रेस प्रतियोगितामा झन्डै ६० जना राष्ट्रिय तथा अन्तर्राष्ट्रिय धावकले सहभागिताका लागि नाम दर्ता गराएका आयोजकले जनाएको छ । नेपालसहित भियतनाम, अमेरिका, नेदरल्यान्ड्स, युक्रेन लगायतका धावकको सहभागिता हुने खत्रीले बताउनुभयाे ।

प्रतियोगितामा पहिलाे, दाेस्राे र तेस्राे हुने महिला/पुरुष धावकले क्रमशः ३० हजार, २० हजार र १० हजार रुपैयाँ प्राप्त गर्नेछन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्