साउदी अरबसँगको खेलमा अर्जुन कुमालको शानदार प्रदर्शन, १ सय ४२ रनको शतकीय प्रहार

कात्तिक २, २०८० बिहीबार ११:३१:१३ | उज्यालो सहकर्मी

काठमाण्डौ – १९ वर्ष मुनिको एसीसी प्रिमियर कप क्रिकेटमा साउदी अरबसँगको खेलमा नेपालका अर्जुन कुमालले शतक प्रहार गरेका छन् । मलेसियामा भइरहेको खेलमा उनले १ सय ४२ रनको सानदार शतकीय पारी खेले । उनले १७ चौका र दुई छक्का प्रहार गरे ।

साउदी अरबसँगको खेलमा पहिले व्याटिङ गरिरहेको नेपालले राम्रो प्रदर्शन गरिरहेको छ । आजको खेलले सेमिफाइनल प्रवेश गर्ने टोलीको टुङ्गो लगाउनेछ । लिग चरणको खेलमा नेपाल र साउदी दुवैले बहराईन र इरानलाई हराएका छन् ।

दुवै टिमले समान २ खेलबाट ४ अंक जोडेर तालिकाको पहिलो र दोस्रो स्थानमा छन् । समूहको शीर्ष स्थानमा रहने टोलीले अन्तिम चारमा स्थान बनाउने छ । समूह चरणको दुई खेलमा नेपालको प्रर्दशन शानदार छ ।

पहिलो खेलमा इरानलाई २ सय ७४ रनले हराएको नेपालले दोस्रो खेलमा बहराईनलाई ७ विकेटले पराजित गरेको थियो । प्रतियोगिताको विजेता, उपविजेता र तेस्रो हुने टिम १९ वर्ष मुनिको एसिया कपमा छनोट हुनेछ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्