नेपाल सुपर लिगमा आज धनगढी र ललितपुर तथा झापा र पोखरा खेल्दै

मंसिर १६, २०८० शनिबार ८:४३:१३ | उज्यालो सहकर्मी

काठमाण्डाै - नेपाल सुपर लिग (एनएसएल) फुटबलमा आज दुई खेल हुँदैछ । आज हुने पहिलो खेलमा झापा एफसी र पोखरा थन्डर्स खेल्नेछन् । यो खेल दिउँसो एक बजे दशरथ रङ्गशालामा शुरु हुनेछ ।

झापा पहिलो खेलमा स्पोटिङ इलामसँग पराजित भएको थियो । पोखराले पहिलो खेलमा चितवनलाई हराएको थियो भने दोस्रो खेलमा ललितपुर सिटी एफसीसँग गोलरहित बराबरी खेलेको थियो ।

त्यस्तै, आजै हुने दोस्रो खेलमा शीर्ष स्थानको धनगढी र दोस्रो स्थानमा रहेको ललितपुर सिटी एफसीबीच प्रतिस्पर्धा हुनेछ । यो खेल बेलुका साढे ५ बजे दशरथ रङ्गशालामा नै हुनेछ । धनगढीले पहिलो खेलमा वीरगञ्जलाई र दोस्रो खेलमा बुटवल लुम्बिनीलाई हराएको थियो ।

त्यस्तै, ललितपुरले पहिलो खेलमा बुटवल लुम्बिनीलाई हराएको थियो भने दोस्रो खेलमा पोखरा थन्डर्ससँग गोलरहित बराबरी खेलेको थियो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्