प्रिमियर लिगमा आर्सनल र लिभरपुलको बराबरी : वेस्टह्यामले म्यानचेस्टर युनाइटेडलाई हरायो

पुष ८, २०८० आइतबार ६:५६:४६ | उज्यालो सहकर्मी

काठमाण्डाै - इङ्ग्लिस प्रिमियर लिगमा आर्सनल र लिभरपुलले बराबरी खेलेका छन् । गएराति भएको खेलमा एक/एक गोलको बराबरी भयो ।

आर्सनलका गेब्रियल मागालहाएसले खेलको चौथो मिनेटमा गोल गरे । तर लिभरपुलका मोहम्मद सलाहले खेलको २९औँ मिनेटमा बराबरी गोल फर्काए । त्यसपछि थप गोल हुन सकेन । बराबरीसँगै आर्सनल शीर्ष स्थानमा यथावत् छ । उसको १८ खेलमा ४० अङ्क छ । दोस्रो स्थानमा रहेको लिभरपुलको समान खेलमा ३९ अङ्क छ ।

अर्को खेलमा वेस्टह्यामले म्यानचेस्टर युनाइटेडलाई हरायो । वेस्टह्यामका जारोड बोवेनले ७२औँ मिनेटमा र त्यसको ६ मिनेटपछि मोहमद कुडोसले गोल गरे । हारसँगै युनाइटेड १८ खेलमा २८ अङ्कसहित तालिकाको आठौँ स्थानमा छ । समान खेलमा वेस्टह्याम ३० अङ्कसहित छैटौँ स्थानमा उक्लिएको छ ।

गएराति भएका अरु खेलमा टोटनहमले एभर्टनलाई, बर्नमाउथले नटिङ्घम फरेस्टलाई, बर्नलीले फुलहमलाई र लुटन टाउनले न्युक्यासललाई हराएको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्