भारतसँगकाे पहिलाे टेस्टमा दक्षिण अफ्रिका १ इनिङ्स र ३२ रनले विजयी

पुष १३, २०८० शुक्रबार ६:२४:५ | उज्यालो सहकर्मी

काठमाण्डाै – भारतसँगकाे पहिलाे टेस्ट क्रिकेटमा घरेलु टाेली दक्षिण अफ्रिका विजयी भएकाे छ । घरेलु टाेलीले भारतलाई एक इनिङ्स र ३२ रनले हरायाे । याेसँगै दक्षिण अफ्रिकाले २ टेस्टकाे शृङ्खलामा १–० काे अग्रता बनाएकाे छ ।

दाेस्राे इनिङ्समा भारत १ सय ३१ रनमै अल आउट भएपछि दक्षिण अफ्रिका तेस्राे दिन नै विजयी भएकाे हाे । भारतका विराट काेहलीले ७६ र शुभमन गिलले २६ रन बनाए । अरू कुनै पनि खेलाडीले राम्राे प्रदर्शन गर्न सकेनन् । बलिङतर्फ दक्षिण अफ्रिकाका नान्दे बर्गेरले ४, मार्काे जनसेनले ३ र कागिसाे रबाडाले २ विकेट लिए ।

दक्षिण अफ्रिकाले पहिलाे इनिङ्समा ४ सय ८ रन बनाएकाे थियाे । दक्षिण अफ्रिकाका डेन एल्गरले सर्वाधिक १ सय ८५ रन बनाए । यस्तै मार्काे जनसेनले नट आउट ८४ र डेभिड बेदिनघमले ५६ रन बनाए । बलिङतर्फ भारतका जसप्रीत बुमराहले ४ र माेहम्मद सिराजले २ विकेट लिए ।

त्यसअघि सेन्चुरियनकाे सुपरस्पाेर्ट पार्कमा टस हारेर ब्याटिङकाे निम्ताे पाएकाे भारतले पहिलाे इनिङ्समा २ सय ४५ रन बनायाे । भारतका केएल राहुलले १ सय १ र विराट काेहलीले ३८ रन बनाए । बलिङतर्फ दक्षिण अफ्रिकाका कागिसाे रबाडाले ५ र नान्दे बर्गेरले ३ विकेट लिए ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्