श्रमिकले अनुभूति गर्ने गरी श्रमको हक कार्यान्वयन गर्न सरकार प्रतिवद्ध : श्रम मन्त्री यादव

 वैशाख १९, २०७७ शुक्रबार १०:५७:२४ | उज्यालो सहकर्मी

काठमाण्डौ – श्रम, रोजगार तथा सामाजिक सुरक्षा मन्त्री रामेश्वर राय यादवले श्रमिकले अनुभूति गर्ने गरी श्रमको हक कार्यन्वयन गर्न सरकार प्रतिवद्ध रहेको बताउनुभएको छ ।

अन्तर्राष्ट्रिय श्रमिक दिवसको अवसरमा मन्त्री यादवले श्रमिकवर्गलाई शुभकामना दिंदै संविधानमा समावेश भएका श्रम, सामाजिक सुरक्षा लगायतका हकहरुलाई प्रत्येक श्रमिकले अनुभूत गर्ने गरी कार्यान्वयन गर्न सरकार दृढ संकल्पित भएको बताउनुभएको हो ।

उहाँले नेपालको लामो राजनीतिक आन्दोलनपछि देशमा राजनीतिक स्थायित्व ल्याउनमा श्रमिक वर्गको महत्वपूर्ण भूमिका रहेकोे भन्दै  प्रशंसा पनि गर्नुभयो । प्रत्येक श्रमिकको राजनीतिक र आर्थिक अधिकारको लागि श्रम सम्बन्धी कानुनी व्यवस्थाको प्रभावकारी पालना र योगदानमा आधारित सामाजिक सुरक्षा योजना जस्ता कार्यक्रमको प्रभावकारी कार्यान्वयन हुनुपर्ने उहाँको भनाइ छ ।

यस्तै सबै प्रकारका श्रम शोषणको अन्त्य गरी असल श्रम सम्बन्धको संस्थागत विकास गरिनुपर्नेमा पनि उहाँले जोड दिनभयो । त्यसको लागि श्रमिक, रोजगारदाता तथा सरकारसँको सम्वाद, समन्वय तथा सहकार्यलाई निरन्तरता दिन आजको यस दिनले थप उत्प्रेरित गर्ने पनि उहाँले बताउनुभयो ।

अहिले विश्वव्यापी फैलिरहेको कोभिड १९ महामारीको चुनौतीको बावजुत पनि श्रमिकका अधिकार, सेवा सुविधा सुनिश्चित गर्न सबैले एकसाथ हिँड्नुपर्ने उहाँको भनाइ छ ।

अहिलेको परिस्थितिबाट छुटकारा पाउन  सबै श्रमिकले आआफ्नो क्षेत्रबाट भूमिका खेल्न पनि मन्त्री यादवले आग्रह गर्नुभयो ।

याे पनि पढ्नुहाेस्

 

1 Comments

  • narayan bhatt

    May 1, 2020, 7:11 p.m.

    यो अनुसार भारतमा रहेका नेपाली मजदुरलाई आ आफ्नो घर जाने मौका मिलोस्...... सेनिटाइजर लगाएर /

तपाईको प्रतिक्रिया

समाचार

लोकप्रिय

१

एक वर्षमै एक सय ९० वटाभन्दा धेरै युक्रेनी गाउँ रुसको कब्जामा

२

एनपीएलमा समर्थकमाथि अभद्र व्यवहार गर्ने दुई जना पक्राउ, अरूको खोजी चल्दै

३

लामिछानेको सांसद पद निलम्बन नगर्न सभामुख घिमिरेको ध्यानाकर्षण

४

चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा पक्राउ

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई