तोशाखाना मुद्दामा पाकिस्तानका पूर्वप्रधानमन्त्री इमरान खानको सजाय निलम्बन

चैत १९, २०८० सोमबार १८:२८:५१ | एजेन्सी

पाकिस्तानको उच्च अदालतले तोशाखाना मामिलामा पाकिस्तानका पूर्वप्रधानमन्त्री इमरान खान र उहाँकी श्रीमती बुशरा बीबीलाई दिइएको १४ वर्षको सजाय निलम्बित गरेको छ ।

इमरान खान र उहाँकी श्रीमती बुशराले यही वर्षको जनवरीमा इस्लामाबादको एकाउन्टेबिलिटी कोर्टको तर्फबाट तोशाखाना मामिलामा सुनाइएको सजाय निलम्बित गर्नका लागि उच्च अदालतमा अपिल गर्नुभएको थियो । इस्लामाबाद उच्च अदालतका मुख्य न्यायाधीश आमिर फारुक र न्यायाधीश मियाँ गुल हसनको दुई सदस्यीय इजलासले यही निवेदनको सुनुवाइ गर्दै आज यो फैसला सुनाएको बीबीसी हिन्दीले जनाएको छ ।

अदालतले तोशाखाना मामिलामा सजाय निलम्बित गरे पनि इमरान खान तत्काल जेलबाट बाहिर आउन पाउनुहुने छैन । उहाँमाथि अन्य केही मुद्दा पनि चलिरहेको छ ।

पाकिस्तानमा फेब्रुअरीमा भएको आमचुनावको अघिल्लो दिन इमरान खानलाई तीन वटा सजाय सुनाइएको थियो । विश्लेषकहरूले पूर्वप्रधानमन्त्री खान र उहाँको पीटीआई पार्टीलाई चुनावबाट बाहिर निकाल्ने प्रयास भएको बताएका थिए ।

प्रधानमन्त्री, राष्ट्रपति, राज्य प्रमुख, मन्त्री, सांसदसहित वरिष्ठ अधिकारीहरूले भ्रमणका क्रममा प्राप्त गरेका बहुमूल्य उपहारहरू राख्नका लागि पाकिस्तानमा सन् १९४७ मा तोशाखाना स्थापना भएको थियो । यो मन्त्रिपरिषद्को प्रशासनिक मातहतको एक विभाग हो ।

पूर्वक्रिकेटरसमेत रहेका ७१ वर्षीय इमरान खानले राज्यका उपहारहरू बिक्री गर्दा आफूलाई प्राप्त भएको आम्दानी घोषणा नगरेको भन्दै इस्लामाबाद अदालतले दोषी ठहर गरेको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तोशाखाना मुद्दामा पाकिस्तानका पूर्वप्रधानमन्त्री इमरान खानको सजाय निलम्बन

फाइल फाेटाे

तपाईको प्रतिक्रिया