सीएनएनका पत्रकार एकोस्टाको प्रेस पास फिर्ता गर्न राष्ट्रपति ट्रम्पलाई अदालतको आदेश

मंसिर १, २०७५ शनिबार ६:२७:२० | एजेन्सी

अमेरिकाको एउटा अदालतले केबल न्यूज नेटवर्क(सीएनएन) का वरिष्ठ पत्रकार जिम एकोस्टा प्रेस पास फिर्ता गर्न ह्वाइट हाउसलाई निर्देशन दिएको छ ।

यसै महिना ह्वाइट हाउसमा भएको एउटा पत्रकार सम्मेलनमा राष्ट्रपति डोनाल्ड ट्रम्पसँगको बहसका कारण पत्रकार जिम एकोस्टाको ‘प्रेस हार्ड पास’ खोसिएको थियो ।
मुद्दाको सुनुवाइ गर्दै न्यायाधीशले राष्ट्रपति डोनाल्ड ट्रम्मविरुद्ध सीएनएनको तर्फबाट अदालतमा मुद्दा परेकाले जिम एकोस्टाको प्रमाणपत्र फिर्ता गर्नुपर्ने बताएका थिए । पत्रकारको अभिव्यक्तिको स्वतन्त्रता हुने काम नगर्न पनि ह्वाइट हाउसलाई अदालतले निर्देशन दिएको छ ।

अदालतको फैसलाको प्रशंसा गर्दै पत्रकार जिम एकोस्टाले यो फैसला अमेरिकी पत्रकारिताका लागि ठूलो दिन भएको बताए । अदालतको आदेशपछि ह्वाइट हाउसले जिम एकोस्टालाई प्रेस पास फिर्ता गरेको छ ।

गएको नोभेम्बर ७ मा राष्ट्रपति कार्यालयमा भएको एउटा पत्रकार सम्मेलनमा जिम एकोस्टा र राष्ट्रपति ट्रम्पबीच बहस सिर्जना भएको थियो । त्यसपछि नोभेम्बर ८ का दिन उनको प्रेस पास खोसिएको थियो र उनलाई ह्वाइट हाउस प्रवेशमा रोक लगाइएको थियो । पत्रकार सम्मेलनमा नै राष्ट्रपति ट्रम्पले सीएनएनका पत्रकार ‘बदमास र मुर्ख’ भएको आरो्ेप लगाएका थिए ।

पत्रकार सम्मेलनमा एक सरकारी कर्मचारीले जिम एकोस्टाको माइक खोस्ने प्रयाससमेत गरेकी थिइन् । यो भिडियो सामाजिक सञ्जालमा निकै नै भाइरल भएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्