'एमपक्स' को प्रकोप फैलिएपछि विश्वव्यापी आपत्कालको घोषणा

साउन ३१, २०८१ बिहीबार ८:२२:४६ | एजेन्सी

अफ्रिकाका केही भागहरूमा 'एमपक्स' को प्रकोप फैलिएपछि विश्व स्वास्थ्य सङ्गठन (डब्ल्यूएचओ) ले विश्वव्यापी आपत्कालको घोषणा गरेको छ ।

पहिलो मङ्कीपक्स भनेर चिनिने अत्यधिक सङ्क्रामक रोग एमपक्सका कारण कङ्गोमा चार सय ५० जनाको ज्यान गएको बीबीसीले जनाएको छ । अहिले यो सङ्क्रमण मध्य र पूर्वी अफ्रिकामा फैलिरहेको छ । वैज्ञानिकहरूले यस रोगको नयाँ भेरियन्ट तीव्र फैलिरहेको र यसको उच्च मृत्युदरलाई लिएर चिन्ता व्यक्त गरेका बीबीसीको खबरमा उल्लेख छ ।

यसैबीच विश्व स्वास्थ्य सङ्गठनका प्रमुख टेड्रोस एड्हानम गेयब्रेयससले यो सङ्क्रमण अफ्रिकाभित्र र बाहिर फैलिने सम्भावना रहेको भन्दै चिन्ता व्यक्त गर्नुभएको छ । यो प्रकोप रोक्न र जीवन बचाउनका लागि अन्तर्राष्ट्रिय समन्वय आवश्यक रहेको उहाँले बताउनुभएको छ ।

मानिसहरूलाई बिफर गराउने प्रजातिको भाइरसबाट मङ्कीपक्स सङ्क्रमण हुन्छ । यो भाइरस सबैभन्दा पहिले जनावरबाट मानिसमा सरेको भए पनि अहिले मानिसबाट मानिसमा पनि सर्ने गरेको छ ।

मङ्कीपक्सको प्रारम्भिक लक्षणमा ज्वरो आउने, टाउको दुख्ने, सुन्निने, ढाड दुख्ने र मांसपेशी दुख्ने असर देखा पर्छन् । ज्वरो उच्च भएपछि शरीरमा बिमिराहरू देखा पर्न सक्छन् र यो अनुहारबाट शुरू भएर शरीरका अन्य भागमा फैलिन्छ । बिमिराहरू निकै चिलाउने वा दुख्ने हुन सक्छ ।

मङ्कीपक्सकाे सङ्क्रमणबाट आँखामा सङ्क्रमण भई दृष्टि गुम्ने, निमोनिया हुने र ज्यान पनि जान सक्छ । सङ्क्रमित व्यक्तिसँगको नजिकको संसर्गबाट पनि मङ्कीपक्स सर्न सक्छ । यस्तै भाइरसबाट सङ्क्रमित भएका वस्तु जस्तै रगत, लुगाबाट पनि सङ्क्रमण सर्न सक्छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'एमपक्स' को प्रकोप फैलिएपछि विश्वव्यापी आपत्कालको घोषणा

तस्बिर : एजेन्सी

तपाईको प्रतिक्रिया