अर्घाखाँचीका ९९ प्रतिशतभन्दा धेरै घरधुरीमा बिजुली

माघ ७, २०८१ सोमबार १२:२३:५१ | उज्यालो सहकर्मी

अर्घाखाँची – लुम्बिनी प्रदेशको पहाडी जिल्ला अर्घाखाँचीका ९९ प्रतिशतभन्दा धेरै घरधुरीमा बिजुली बत्ती पुगेकाे छ ।

तीन नगरपालिका र तीन गाउँपालिका रहेको अर्घाखाँचीका शीतगङ्गा नगरपालिकाको भित्री गाउँबाहेक अन्य सबै ठाउँमा बिजुली बत्ती पुगेको नेपाल विद्युत् प्राधिकरण अर्घाखाँचीका प्रमुख इन्जिनियर त्रिलोचन भट्टराईले बताउनुभयो ।

उहाँले जिल्लाभर झन्डै ३९ हजार घरधुरीमा मिटर जडान गरिएको र चार वटा सबस्टेशन र छिमेकी जिल्लाका सबस्टेशनबाट बिजुली आपूर्ति भइरहेको बताउनुभयो ।

बिजुली नपुगेको शीतगङ्गा–९ को घरधुरीलाई बिजुली विस्तार गर्न बजेट स्वीकृत भएर फाइल अगाडि बढेको विद्युत् प्राधिकरण अर्घाखाँचीका प्रमुख भट्टराईको भनाइ छ । केन्द्रले विद्युतीय वितरण प्रणालीलाई सुरक्षित बनाउँदै विद्युतीय घटनालाई शून्यमा झारेको प्राधिकरणले जनाएको छ ।

त्यस्तै विद्युत् वितरण प्रणालीलाई सुरक्षित तथा जोखिममुक्त बनाउन बजार क्षेत्र र घना बस्ती भएका क्षेत्रहरूमा नाङ्गो तारहरूलाई विस्थापित गरी कालोतार जडान गर्ने काम तीव्र रूपमा अगाडि बढेको छ ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्