महाङ्काल गाउँपालिकाकी उपाध्यक्ष गोलेलाई ‘अन्तर्राष्ट्रिय महिला नेतृत्व सम्मान’

 माघ ७, २०८१ सोमबार १५:१७:२९ | रासस
unn.prixa.net

तस्वीर : रासस

ललितपुर – ललितपुरको महाङ्काल गाउँपालिकाकी उपाध्यक्ष डोल्मामाया गोले ‘अन्तर्राष्ट्रिय महिला नेतृत्व सम्मान’ बाट सम्मानित हुनुभएको छ । द इन्टरनेशनल अवार्ड फोरम यूएसएद्वारा भारतको नयाँ दिल्लीमा आयोजित विशेष समारोहमा उपाध्यक्ष गोले सम्मानित हुनुभएको हो ।

स्थानीय सरकारको प्रमुख जिम्मेवारीमा रहँदा महिला, बालबालिका र ज्येष्ठ नागरिकका समस्या समाधानका लागि नीति योजना, कार्यक्रम र बजेट निर्माण तथा कृषि, पर्यावरण र धर्म–संस्कृतिको संरक्षणमा पुर्‍याएको योगदानस्वरूप उपाध्यक्ष गोलेलाई सम्मान प्रदान गरिएको गाउँपालिकाले जनाएको छ ।

उपाध्यक्ष गोलेले गएको असोज दोस्रो हप्ताको अविरल वर्षापछिको बाढी पहिरोबाट प्रभावित नागरिकको खोज, उद्धार र राहत वितरणमा गर्नुभएको सक्रिय भूमिकाको कदरस्वरूप सम्मान गरिएको आयोजक संस्थाले उल्लेख गरेको छ ।

असोज दोस्रो हप्ताको वर्षासँगैको बाढी पहिरोमा परेर महाङ्काल गाउँपालिकामा मात्रै १३ जनाको ज्यान गएको थियो भने एक जना बेपत्ता र तीन सय घरपरिवार विस्थापित भएका थिए ।

द इन्टरनेशनल अवार्ड फोरम यूएसएले प्रत्येक वर्ष दक्षिण एशियाली क्षेत्रमा समाजसेवाका क्षेत्रमा उत्कृष्ट काम गर्ने व्यक्तिहरूलाई विभिन्न ६ वटा विधामा सम्मान गर्दै आएको छ । यस वर्ष नेपालबाट उपाध्यक्ष गोलेले महिला नेतृत्व सम्मान पाउनुभएको हो ।

अन्तिम अपडेट: माघ ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

२

बिहेको उमेर घटाउने काइदा : माननीय र प्रहरीलाई फाइदै फाइदा !

३

इरानलाई हराउँदै नेपालको पुरुष टोली पनि खो–खो विश्वकपको फाइनलमा

४

पालिकामा जनप्रतिनिधि छान्न छुट्टाछुट्टै मतपत्रको प्रयोग गर्न निर्वाचन आयोगको प्रस्ताव

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई