गणपूरक सङ्ख्या नपुगेपछि पूर्वाधार विकास समितिको बैठक स्थगित

माघ १६, २०८१ बुधबार १५:३:० | उज्यालो सहकर्मी

काठमाण्डाै – प्रतिनिधिसभाअन्तर्गतको पूर्वाधार विकास समितिको बैठक कोरम नपुगेपछि स्थगित भएको छ । बिहान साढे ११ बजे बोलाएको बैठकमा सांसदहरूको गणपूरक सङ्ख्या नपुगेपछि स्थगित गरिएको सभापति दीपक सिंहले जानकारी दिनुभयो ।

आजकाे बैठकमा ऊर्जामन्त्री दीपक खड्काविरुद्धको उजुरीमाथि छलफल गर्ने कार्यसूची थियो । २६ सदस्यीय समितिमा १२ जनामात्रै सांसदको उपस्थिति थियो । कांग्रेसका ८ जना सांसद सदस्य रहेकामा राजेन्द्र बजगाईं र कल्पना चौधरी मात्रै उपस्थित भए ।

मुगु कर्णाली र किमाथाङ्का जलविद्युत् आयोजना ठेक्का प्रक्रियामा भएका अनियमितताबारे समितिमा परेका उजुरीमाथि छलफल गर्न बैठक बोलाइएको थियो । यी आयोजना ठेक्का लगाउनका लागि मन्त्री खड्काले अनियमितता गरेको आरोप लगाएर समितिमा उजुरी परेको थियो । छलफलका लागि ऊर्जामन्त्री दीपक खड्का र राज्यमन्त्री पूर्णबहादुर तामाङ उपस्थित भए पनि सांसदहरूको गणपूरक सङ्ख्या नपुगेको हो ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्