हारेपछि तुर्कमेनिस्तानका आइस हक्की खेलाडीले हङकङ टोलीका सदस्यलाई मुक्का हाने

माघ २९, २०८१ मंगलबार १५:९:४१ | एजेन्सी

तुर्कमेनिस्तान आइस हक्की टोलीका खेलाडीहरूले हङकङका खेलाडीहरूलाई मुक्का प्रहार गरेका छन् ।

चीनको हार्बिनमा भएको एशियाली शीतकालीन खेलकुदमा हङकङसँग हारेपछि तुर्कमेनिस्तानको आइस हक्की टोलीले मुक्का प्रहार गरेका हुन् । तुर्कमेनिस्तानको टोली हङकङसँग ५–१ ले पराजित भएको थियो ।

तुर्कमेनिस्तानका खेलाडी एर्किन काकाबायेभ, आर्सलन गेल्डिमाइराडोभ र बेगेन्च डोभलेटमेराडोभले हङकङ टोलीका सदस्यहरूमाथि मुक्का प्रहार गरेको भिडियो अहिले सामाजिक सञ्जालमा भाइरल भइरहेको छ ।

हङकङका कुनै पनि खेलाडीलाई गम्भीर चोटपटक नलागेको तर दुई जनालाई मेडिकल मूल्याङ्कनका लागि अस्पताल लगिएको खबरमा उल्लेख छ । यो घटनापछि हङकङका अधिकारीहरूले अनुशासनात्मक कारबाहीका लागि आह्वान गरेका छन् ।

तुर्कमेनिस्तान र हङकङबीचको खेल निकै तनावपूर्ण रहेको र खेल सकिएपछि हात मिलाउने क्रममा तुर्कमेनिस्तानका खेलाडीहरूले मुक्का प्रहार गरेका थिए ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हारेपछि तुर्कमेनिस्तानका आइस हक्की खेलाडीले हङकङ टोलीका सदस्यलाई मुक्का हाने

तस्वीर : सामाजिक सञ्जाल

तपाईको प्रतिक्रिया