पार्टी प्रवेश गर्ने खबरबारे यसो भन्छिन् माधुरी दीक्षित

मंसिर २३, २०७५ आइतबार १२:३७:११ | एजेन्सी

बलिउड अभिनेत्री माधुरी दीक्षित नृत्य र अभिनयका कारण करोडौं दर्शकबीच चर्चित छिन् । फिल्म ‘तेजाब, राम लखन, दिल तो पागल हे, अन्जाम, देवदास लगायत कयौं हिट फिल्ममा काम गरिसकेकी अभिनेत्री माधुरी दीक्षित पछिल्लो समयमा भने टेलिभिजनका रियालिटी शोहरुमा ब्यस्त छिन् । तिनै माधुरी दीक्षित अब अभिनय र मनोरञ्जन बाहेक राजनितिक तर्फ पनि सक्रिय हुने बताइएको थियो ।

केही समयअघि प्रकाशित खरबरहरुमा अभिनेत्री माधुरी दीक्षित भारतीय जनता पार्टीको तर्फबाट चुनाव लड्न सक्ने बताइएको थियो । खासमा भाजपाका एक नेता माधुरीको घरमा गई उनीसँग भेटघाट गरेका थिए । त्यसबेला देखि नै माधुरी दीक्षितलाई भाजपाले सन् २०१९ को लोकसभा चुनावका लागि टिकट दिन सक्ने बताइएको थियो ।

तर अहिले आएर अभिनेत्री माधुरी दीक्षित स्वयमले आफ्ना बारेमा आएका खबरहरुको खण्डन गरेकी छिन् । माधुरीले भारतीय सञ्चारमात्तयमसँग भनेकी छिन् ‘मेरा बारेमा आएका यस किसिमका सबै खबरहरु झुठा र काल्पनिक हुन् ।’ अर्थात् माधुरी दीक्षित स्वयमले आफू कुनै पनि राजनितीक पार्टीबाट चुनाव नलड्ने बताएकी छिन् ।

माधुरी दीक्षित फिल्म ‘कलंक’ मार्फत अभिनेता सञ्जय दत्तको जोडी तथा फिल्म ‘टोटल धमाल’ अभिनेता अनिल कपूरक जोडीको रुपमा दर्शकमाझ आउने तयारी गरिरहेकी छिन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्